Gujarati News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ન્યુઝ ફોર ગુજરાતી | ગુજરાત સમાચાર - <a href="https://news4gujarati.com/tag/news4/" class="st_tag internal_tag" rel="tag" title="Posts tagged with news4">News4</a> Gujarati

Heartbeat from Surat covered a distance of 1610 km and transplanted to a 15-year-old student from Chennai in 180 minutes

અંગદાનમાં અગ્રેસર રહેલા સુરતમાંથી 28માં હ્રદય અને ફેફસાંના દાનની ત્રીજી ઘટના નોંધાઈ છે. કોળી પટેલ સમાજના બ્રેનડેડ ઇલાબેન નીતિનભાઈ પટેલના પરિવારે તેમનાં હૃદય, ફેફસાં, કિડની, લિવર અને ચક્ષુઓનું દાન કરી સાત વ્યક્તિઓને નવજીવન બક્ષ્યું છે. ઈલાબેન પટેલું હ્રદય સુરતથી ચેન્નાઈનું 1610 કિ.મીનું અંતર 180 મીનીટમાં કાપીને દિલ્હીની 15 વર્ષીય વિદ્યાર્થિનીમાં ચેન્નાઈની MGM હોસ્પિટલમાં ટ્રાન્સપ્લાન્ટ કરવામાં આવ્યું છે. તેમજ ફેફસાનું ટ્રાન્સપ્લાન્ટ મુંબઈની 61 વર્ષીય મહિલામાં ચેન્નાઈની એપોલો હોસ્પિટલમાં કરવામાં આવ્યું છે.

- Advertisement -

પરિવારે અંગદાનની પ્રક્રિયા સમજીને નિર્ણય લીધો

27 સપ્ટેમ્બરના રોજ રાત્રે 9 કલાકે ઇલાબેનને ચક્કર તેમજ ખેંચ આવતા તેઓ બેભાન થઇ ગયા હતા.પરિવારજનોએ તેમને તાત્કાલિક વિનસ હોસ્પિટલમાં ડૉ.નીખીલ જરીવાલાની સારવાર હેઠળ દાખલ કરી સારવાર શરૂ કરવામાં આવી. નિદાન માટે ન્યુરોસર્જન ડૉ.ધવલ પટેલે CT સ્કેન કરાવતાં મગજની નસ ફાટી જવાથી લોહીનો ગઠ્ઠો જામી ગયો હોવાનું તેમજ મગજમાં સોજો હોવાનું નિદાન થયું હતું.29 સપ્ટેમ્બરના રોજ ન્યૂરોસર્જન ડો.ધવલ પટેલ, ન્યૂરોફિજીશિયન ડૉ.ગૌરાંગ ઘીવાલા, ફિજીશિયન ડૉ.નીખીલ જરીવાલા,એનેસ્થેટીસ્ટ ડૉ.રવીશા શેખે ઇલાબેનને બ્રેનડેડ જાહેર કર્યા.ઈલાબેનના દિયર પુષ્પેન્દ્રભાઈ અને તેમના મિત્ર બિપીનભાઈએ અંગદાનની પ્રક્રિયા સમજી હતી. ડોનેટ લાઈફની ટીમે હોસ્પિટલ પહોંચી ઈલાબેનના પુત્રો તનવીર અને આર્યન, દિયર પુષ્પેન્દ્રભાઈ, ભાઈ ભગવતીભાઈ, બનેવી શાંતિલાલ તેમજ પરિવારના અન્ય સભ્યોને અંગદાનનું મહત્વ અને તેની સમગ્ર પ્રક્રિયા સમજાવી હતી.

પરિવારે અંગદાનની સંમતિ આપી

ઈલાબેનના પુત્રો તનવીર અને આર્યન, દિયર પુષ્પેન્દ્રભાઈએ જણાવ્યુ કે અમે ખુબજ સામાન્ય પરિવારમાંથી આવીએ છીએ.આજે અમારું સ્વજન બ્રેનડેડ છે અને તેનું મૃત્યુ નિશ્ચિત જ છે ત્યારે તેમનું શરીર બળીને રાખ થઇ જાય તેના કરતા તેમના અંગોના દાન થકી ઓર્ગન નિષ્ફળતાના દર્દીઓને નવજીવન મળતું હોય તો અંગદાન માટે આપ આગળ વધો.પરિવારજનો તરફથી અંગદાનની સંમતિ મળતા SOTTOના કન્વીનર ડૉ.પ્રાંજલ મોદીનો સંપર્ક કરી હૃદય, ફેફસા, કિડની અને લિવરના દાન માટે જણાવ્યું

આ પણ વાંચો:-  હવાલા કાંડમાં ભૂતપૂર્વ IASની ઈડીએ પૂછપરછ કરતા ગાંધીનગરમાં દોડધામ

ગુજરાતમાં જરૂર ન હોવાથી ચેન્નાઈ હ્રદય મોકલાયું

ગુજરાતમાં હ્રદય ટ્રાન્સપ્લાન્ટ માટે કોઈ દર્દી ન હોવાને કારણે SOTTO દ્વારા ROTTO મુંબઈનો સંપર્ક કરવામાં આવ્યો.ROTTO મુંબઈમાં હ્રદય અને ફેફસાના ટ્રાન્સપ્લાન્ટ માટે કોઈ દર્દી ન હોવાને કારણે ROTTO મુંબઈ દ્વારા NOTTO નો સંપર્ક કરવામાં આવ્યો. NOTTO દ્વારા હૃદય ચેન્નાઈની MGM હોસ્પિટલ અને ફેફસા ચેન્નાઈની એપોલો હોસ્પીટલને ફાળવવામાં આવ્યા. જયારે SOTTO દ્વારા કિડની અને લિવર અમદાવાદની Institute of Kidney Diseases and Research Centre (IKDRC)ને ફાળવવામાં આવ્યા.

હ્રદય અને ફેફસાં ગ્રીન કોરીડોરથી મોકલાયાં
ચેન્નાઈની MGM તથા એપોલો હોસ્પિટલના ડૉ.મુરલી ક્રિષ્ના, ડૉ.મોહન અને તેમની ટીમે સુરત આવી હૃદય અને ફેફસાનું દાન સ્વીકાર્યું. કિડની અને લિવરનું દાન અમદાવાદની Institute of Kidney Diseases and Research Centre (IKDRC)ના ડૉ.સુરેશ કુમાર અને તેમની ટીમે આવી સ્વીકાર્યું. ચક્ષુઓનું દાન લોકદ્રષ્ટી ચક્ષુબેંકના ડૉ.પ્રફુલ શિરોયાએ સ્વીકાર્યું. સુરતની વિનસ હોસ્પિટલથી ચેન્નાઈની MGM તથા એપોલો હોસ્પિટલ સુધીનું 1610 કિ.મીનું અંતર 180 મીનીટમાં કાપીને દાનમાં મેળવવામાં આવેલા હૃદયનું ટ્રાન્સપ્લાન્ટ ચેન્નાઈની MGM હોસ્પિટલમાં દિલ્હીની 15 વર્ષીય વિદ્યાર્થિનીમાં ડૉ.બાલાક્રિષ્નન અને તેમની ટીમ દ્વારા કરવામાં આવ્યું છે. ફેફસાનું ટ્રાન્સપ્લાન્ટ ચેન્નાઈની એપોલો હોસ્પિટલમાં મુંબઈની 61 વર્ષીય મહિલામાં ડૉ. ટી.સુન્દર અને તેમની ટીમ દ્વારા કરવામાં આવ્યું છે.

કિડની 18 વર્ષના યુવકોમાં ટ્રાન્સપ્લાન્ટ કરાઈ
દાનમાં મેળવવામાં આવેલી બન્ને કિડની પૈકી એક કિડનીનું ટ્રાન્સપ્લાન્ટ સુરતના 18 વર્ષીય યુવકમાં અને બીજી કિડનીનું ટ્રાન્સપ્લાન્ટ આણંદની 18 વર્ષીય યુવતીમાં જયારે લિવરનું ટ્રાન્સપ્લાન્ટ સુરતના ૫૪ વર્ષીય વ્યક્તિમાં અમદાવાદની IKDRCમાં ડૉ.પ્રાંજલ મોદી અને તેમની ટીમ દ્વારા કરવામાં આવ્યું છે.

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  અમદાવાદથી ભાવનગર ગયેલા 5 લોકો કોરોનાગ્રસ્ત, નવા 8 કેસ નોંધાયા

તમારા એરિયા ના સમાચાર મોકલવા અહિયાં ક્લિક કરો.

- Advertisement -