sindhiya and her mother were admitted to Max Hospital delhi

ભાજપના નેતા જ્યોતિરાદિત્ય સિંધિયા અને તેમના માતાની તબિયત લથડતા તેમને દિલ્હીના સાકેત સ્થિત મેક્સ હોસ્પિટલમાં દાખલ કરાયા છે. તેમનામાં કોવિડ 19 જેવા લક્ષણો જોવા મળ્યા છે. બંનેની સ્થિતિ સામાન્ય જણાવાઈ રહી છે. જો કે હજુ તેમનો કોવિડ 19નો રિપોર્ટ આવ્યો નથી. 

- Advertisement -

તેમના અને તેમના માતાના ગળામાં ખરાશ અને તાવના લક્ષણો જોવા મળ્યા

જ્યોતિરાદિત્ય સિંધિયાના નજીકના લોકોએ જણાવ્યું કે તેમના અને તેમના માતાના ગળામાં ખરાશ અને તાવના લક્ષણો જોવા મળ્યા હતાં. ત્યારબાદ સોમવારે જ ડોક્ટરોના કહેવા પર જ્યોતિરાદિત્ય સિંધિયા અને તેમના માતા સાકેત સ્થિત હોસ્પિટલમાં દાખલ થઈ ગયાં. આજે બીજા દિવસે તેમના સ્વાસ્થ્યમાં સુધારો જોવા મળી રહ્યો છે. જો કે હજુ તેમનો કોવિડ 19 ટેસ્ટિંગ રિપોર્ટ આવ્યો નથી જેનાથી કન્ફર્મ થયું નથી કે તેમને કોરોના વાયરસ થયો છે કે નહીં. 

સિંધિયાના માતા માધવી રાજે સિંધિયા દિલ્હીમાં રહે છે

સિંધિયાના માતા માધવી રાજે સિંધિયા દિલ્હીમાં રહે છે. તેઓ સાર્વજનિક કાર્યક્રમોમાં બહુ ઓછા જોવા મળે છે. માધવી કૌટુંબિક સમારોહમાં વધુ જોવા મળે છે. જ્યોતિરાદિત્ય હાલમાં જ કોંગ્રેસ છોડીને ભાજપમાં જોડાયા છે. ભાજપ જોઈન કર્યા બાદથી તેઓ દિલ્હીમાં વધુ રહે છે. 

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  વડોદરામાં વધુ 6 દર્દીના મોત, કેસનો કુલ આંક 3447 થયો