નવી દિલ્હી : Tata Consultancy Services Limited (TCS)ને મોટો ઓર્ડર મળ્યો છે. TCS જોડાણે 4G નેટવર્કના વિસ્તરણ માટે ભારત સંચાર નિગમ લિમિટેડ (BSNL) પાસેથી રૂ. 15,000નો વિશાળ કોન્ટ્રાક્ટ મેળવ્યો છે. ટાટા ગ્રૂપની કંપની TCS એ આ જાણકારી આપી છે.
TCS એ સોમવારે જાહેર કરેલા એક નિવેદનમાં જણાવ્યું હતું કે તેને BSNL તરફથી 15,000 કરોડ રૂપિયાનો ‘એડવાન્સ પરચેઝ ઓર્ડર’ મળ્યો છે. આ જાહેરાત સાથે જ છેલ્લા ઘણા મહિનાઓથી ચાલી રહેલી અટકળોનો અંત આવ્યો છે. ભારતની બહુરાષ્ટ્રીય સોફ્ટવેર સેવાઓ અને કન્સલ્ટિંગ કંપની TCS શરૂઆતથી જ આ સોદા માટે સૌથી આગળ હતી.
નોંધનીય છે કે જાહેર ક્ષેત્રની ટેલિકોમ કંપની BSNL મુંબઈ અને નવી દિલ્હી સિવાય સમગ્ર દેશમાં ફિક્સ લાઇન અને મોબાઈલ સેવાઓ પૂરી પાડે છે. ખાનગી ક્ષેત્રની ટેલિકોમ કંપનીઓ પહેલેથી જ 4G સેવાઓ પ્રદાન કરી રહી છે, જ્યારે કેટલીક કંપનીઓએ પસંદગીના વિસ્તારોમાં 5G સેવાઓ પ્રદાન કરવાનું પણ શરૂ કર્યું છે.