Sunday, July 25, 2021
More

    Latest Posts

    બારામુલ્લાના સોપોરમાં આતંકીઓએ સુરક્ષાદળો પર ફાયરિંગ કર્યું; 2 પોલીસ શહીદ

    Terrorists opened fire on security forces in Sopore, Baramulla; 2 police martyrs

    જમ્મુ-કાશ્મીરના બારામુલ્લામાં આતંકીઓએ શનિવારે પોલીસ અને CRPFની ટીમને નિશાન બનાવી છે. સોપોરમાં આતંકીઓએ ટીમ પર ગોળીઓનો વરસાદ વરસાવ્યો છે. હુમલામાં બે પોલીસ કર્મચારીઓ શહીદ થયા અને બે નાગરિકોનાં મૃત્યુ થયાં. વિસ્તારને હાલ ઘેરીને સર્ચ-ઓપરેશન ચલાવવામાં આવી રહ્યું છે.

    કાશ્મીર IG વિજય કુમારે જણાવ્યું હતું કે હુમલાની પાછળ લશ્કર-એ-તૈયબાના આતંકીઓનો હાથ છે. હુમલામાં બે પોલીસકર્મચારીઓ પણ ઘાયલ થયા છે. તેમને સારવાર માટે નજીકની હોસ્પિટલમાં દાખલ કરવામાં આવ્યા છે.

    આ પહેલાં માર્ચમાં લશ્કર-એ-તૈયબાના આતંકીઓએ CRPFની પેટ્રોલિંગ પાર્ટી પર ફાયરિંગ કર્યું હતું. આ હુમલો શ્રીનગરના બહારી વિસ્તાર લવેપોરામાં કરવામાં આવ્યો હતો. હુમલામાં બે જવાનો શહીદ થયા હતા. હુમલામાં 3 જવાનો ઘાયલ થયા હતા. આ પૈકીના એકે સારવાર દરમિયાન જીવ ગુમાવ્યો હતો.

    આ પણ વાંચો:-  હંગામા બાદ લોકસાભાની કાર્યવાહી સોમવાર સુધી સ્થગિત

    આ હુમલાના 11 દિવસ પહેલાં 14 માર્ચે પણ સુરક્ષાદળો અને આતંકીઓની વચ્ચે ફાયરિંગ થયું હતું. એમાં સુરક્ષાદળોએ એક આતંકીને ઠાર કર્યો હતો. આ ઓપરેશન શોપિયાના રાવલપોરા વિસ્તારમાં આખી રાત ચાલ્યું હતું, એ પછી બીજા દિવસે રવિવારે લશ્કર-એ-તૈયબા સાથે જોડાયેલા આતંકી જહાંગીર અહમદ વાનીને ઠાર કરવામાં આવ્યો હતો. આ એન્કાઉન્ટરવાળી જગ્યાએથી M4 કાર્બાઈન રાઈફલ પણ મળી હતી. આ રાઈફલનો ઉપયોગ અમેરિકાની મિલિટ્રી કરે છે.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.