All MLAs will be shifted to Rajasthan And for that, the process was started by the Congress

રાજ્યસભાની ચૂંટણીમાં પોતાના તુટતાં ધારાસભ્યોને બચાવવા કોંગ્રેસે હાલ ગુજરાતમાં બે અને એક રાજસ્થાનમાં એક કુલ ત્રણ રિસોર્ટમાં ધારાસભ્યોને રાખ્યા છે. કેટલાંક ધારાસભ્યો રિસોર્ટમાં રહેવા રાજી નથી માટે પોત પોતાના ઘરે છે. આમ છતાં તમામ ધારાસભ્યોને રાજસ્થાન ખસેડવામાં આવશે. અને તે માટે કોંગ્રેસ દ્વારા પ્રક્રિયા શરૂ કરવામાં આવી છે.

- Advertisement -

રાજ્યસભાની ચાર બેઠકોની સ્થગિત થયેલી ચૂંટણી આગામી 19મી જુનના રોજ યોજાશે

રાજ્યસભાની ચાર બેઠકોની સ્થગિત થયેલી ચૂંટણી આગામી 19મી જુનના રોજ યોજાશે. આગાઉ પાંચ અને હાલ ત્રણ એમ કોંગ્રેસનાં 8 ધારાસભ્યો તૂટી ગયા છે. વધુ ધારાસભ્યો સાથ ન છોડે માટે કોંગ્રેસ દ્વારા તમામને સાચવવાની શરૂઆત કરી છે. અલગ-અલગ ત્રણ સ્થળે રહેલાં તમામ વધેલાં ધારાસભ્યોને હવે રાજ્ય બહાર ખસેડવાની પ્રક્રિયા શરૂ કરવામાં આવી છે. છતાં ગુજરાત પ્રદેશ કોંગ્રેસ અધ્યક્ષ કહી રહ્યાં છે કે, ધારાસભ્યો પોતાના વિસ્તારમાં જ છે અને વહિવટીતંત્રના સંપર્કમાં છે.

કેટલાક ધારાસભ્યો પણ પોતાના વિસ્તાર કે ગુજરાત બહાર જવા તૈયાર નથી.

કેટલાક ધારાસભ્યો પણ પોતાના વિસ્તાર કે ગુજરાત બહાર જવા તૈયાર નથી. રાજુલાના ધારાસભ્ય અમરીશ ડેરે પોતાની આ વાત મીડિયા સામે વ્યક્ત કરી છે. ઉપરાંત આનંદ ચૌધરી પણ કહી રહ્યાં છે કે, કોનાથી ભાગવું અને કોનાથી ડરવું એ જ સમજાતું નથી. તો અમદાવાદના બે ધારાસભ્ય ગ્યાસુદ્દીન શેખ અને ઈમરાન ખેડાવાલાએ તો અમતિ ચાવડાની પોતાના વિસ્તારમાં જ રહેવા મંજુરી પણ લઈ લીધી છે. આમ છતાં કોંગ્રેસ હાલ તમામ ધારાસભ્યોને રાજસ્થાન લઈ જવા તૈયારીઓ કરી રહી છે.

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  કોરોનાના દહેશતના પગલે અમદાવાદના મેયરે બોલાવી બેઠક, આપ્યા આ આદેશ