The country’s economy is still not on track, US agency cuts GDP estimates

કોરોના વાયરસની મહામારીએ વિશ્વભરના અર્થતંત્રને હચમાચાવી નાંખ્યા છે, પરંતુ ભારતીય અર્થતંત્રને સૌથી વધારે માર પડ્યો છે. ચાલુ નાણાકીય વર્ષના પ્રથમ ત્રિમાસિક ગાળામાં ભારતનો GDP ગ્રોથ 23.9 ટકા ઘટ્યો હતો, જે એશિયન દેશોમાં સૌથી નીચો હતો. તો હવે અમેરિકાની જાણીતી રેટીંગ એજન્સી એસ એન્ડ પી ગ્લોબલ રેટીંગે ચાલુ નાણાંકીય વર્ષમાં ભારતનો GDP દર 9 ટકા ઘટવાનું અનુમાન જાહેર કર્યું છે. આ પહેલાં એસએન્ડપીએ 5 ટકા ઘટાડાનો અંદાજ મુક્યો હતો, પરંતુ ભારતની આર્થિક હાલત જોતા અનુમાન 9 ટકા ઘટાડાનું જાહેર કર્યું છે. ગત સપ્તાહમાં અન્ય એજન્સીઓએ પણ ભારતના આર્થિક વિકાસ દર ઘટવાની ધારણા મુકી છે. મૂડીઝે ચાલુ નાણાકીય વર્ષમાં ભારતનો GDP ગ્રોથ 11.5, ફિચે 10.5 ટકા જ્યારે ગોલ્ડમેન સૈશે 14.8 ટકા ઘટવાનો અંદાજ મુક્યો છે.

- Advertisement -

એસએન્ડપીના અર્થશાસ્ત્રીએ એક નિવેદનમાં કહ્યું છે કે, કોવિડ-19ના કેસો સતત વધવાને કારણે ખાનગી આર્થિક ગતિવિધીઓ ભારતમાં અટકી પડી છે. જેને કારણે ભારતમાં ખાનગી ખર્ચ અને રોકાણ લાંબા સમય સુધી નીચલા સ્તરે રહેશે. એસએન્ડપીનું માનવું છે કે 31 માર્ચ, 2021 સુધીમાં ભારતના GDP ગ્રોથમાં 9 ટકાનો ઘટાડો જોવા મળશે.

એજન્સીએ કહ્યું કે, ભારતમાં ચાલુ નાણાંકીય વર્ષના પ્રથમ ત્રિમાસિક ગાળામાં એટલે કે એપ્રિલથી જૂન મહિનાના સમયગાળામાં ભારતનો GDP ગ્રોથ 23.9 ટકા ઘટ્યો હતો, જે ધારણા કરતા ઘણો વધારે હતો. જૂન મહિનામાં ભારતે લોકડાઉનમાં છુટછાટ આપી, પરંતુ અમારું માનવું છે કે કોરોના મહામારીને કારણે દેશની આર્થિક ગતિવિધી અટકેલી જ રહેશે. વાયરસનો પ્રસાર અટકતો નથી એટલે ગ્રાહકો બહાર આવીને ખર્ચ કરવામાં સતર્કતા રાખશે અને કંપનીઓ દબાવમાં રહેશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

આ પણ વાંચો:-  રમત-રમતમાં બાળકનું માથુ કૂકરમાં ફસાયું, પછી હોસ્પિટલમાં થઈ જોવા જેવી

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.