The Delhi High Court has stayed the trial court’s verdict in a case involving a defense deal

રક્ષા કરારમાં ભ્રષ્ટાચારના કેસમાં સમતા પાર્ટીની પૂર્વ અધ્યક્ષ જયા જેટલીને ટ્રાયલ કોર્ટે ફટકારેલી 4 વર્ષની જેલની સજા પર દિલ્હી હાઈકોર્ટે સ્ટે લગાવી દીધો છે. 2000-2001ના કેસમાં દિલ્હીની એક કોર્ટે ગુરુવારે જયા જેટલી સહિત અન્ય 2 લોકોને 4 વર્ષની જેલની સજા ફટકારી હતી. આ સજાના ચુકાદા વિરુદ્ધ જયા જેટલી દિલ્હી હાઈકોર્ટ પહોંચ્યા હતા અને હાઈકોર્ટે તેમની સજા પર સ્ટે લગાવી દીધો છે. રક્ષા કરારમાં દોષિત ત્રણેય લોકોને નીચલી કોર્ટે આજે જ સરેન્ડર કરવા આદેશ આપ્યો હતો પરંતુ જયા જેટલીને હાઈકોર્ટમાંથી મોટી રાહત મળી છે.

- Advertisement -

અગાઉ ગુરુવારે વિશેષ સીબીઆઈ જજ વિરેન્દ્ર ભટ્ટે જયા જેટલીના પાર્ટીના પૂર્વ સહયોગી ગોપાલ પચેરવાલ, મેજર નજરલ (સેવાનિવૃત) એસ પી મુરગઈને રક્ષા કરારમાં દોષિ ઠેરવતા ચાર-ચાર વર્ષની જેલની સજા કરી હતી. આ ઉપરાંત તમામ દોષિતોને એક-એક લાખ રૂપિયાનો દંડ પણ કરાયો હતો અને તેમને ગુરુવારે સાંજે પાંચ વાગ્યા સુધીમાં સરેન્ડર કરવાનો આદેશ આપ્યો હતો. નીચલી કોર્ટે આ ત્રણેય લોકોને હાથ વડે સંચાલિત ‘થર્મલ ઈમેજર્સ’ની ખરીદીના મામલે ભ્રષ્ટાચાર અને ગુનાહિત ષડયંત્ર રચવા બદલ દોષિ ઠેરવતો ઓર્ડર આપ્યો હતો.

2001માં ન્યૂઝ પોર્ટલ તહલકાએ એક સ્ટિંગ ઓપરેશનમાં આ કૌભાંડનો ખુલાસો કર્યો હતો. લશ્કરમાં થર્મલ ઈમેજર પૂરા પાડવા માટે સંદિગ્ધ કંપનીના પ્રતિનિધિ તરીકે આવેલા પત્રકાર પાસેથી આરોપીઓએ લાંચ સ્વીકારી હતી. 25 ડિસેમ્બર 2000ના હોટેલના રૂમમાં યોજાયેલી બેઠકમાં સુરેન્દ્ર કુમાર સુરેખા અને મેજર જનરલ (સેવાનિવૃત) એસ પી મુરગઈએ કાલ્પનિક કંપની વેસ્ટેંડ ઈન્ટરનેશનલના પ્રતિનિધિ મેથ્યૂ સેમ્યુઅલને રક્ષા મંત્રાલય તરફથી તેમની કંપની દ્વારા નિર્મિત ઉત્પાદનના મૂલ્યાંકન માટે પત્ર જાહેર કરાવવાનો વિશ્વાસ અપાવ્યો હતો.

આ પણ વાંચો:-  ગુજરાતમાં 64 દિવસમાં પોઝિટિવ કેસની સંખ્યા 13 હજારે પહોંચી, મોતનો આંકડો 800ને પાર થયો

જયા જેટલીએ કાલ્પનિક કંપની વેસ્ટેંડ ઈન્ટરનેશનલના પ્રતિનિધિ મેથ્યૂ સેમ્યુઅલ પાસેથી બે લાખ રૂપિયા ગેરકાયદે વસૂલ્યા હતા અને મુરગઈને 20 હજાર મળ્યા હતા. ત્રણેય આરોપીઓની સાથે સુરેન્દ્ર કુમાર સુરેખા ગુનાહિત ષડયંત્ર બદલ પક્ષકાર હતા, પરંતુ સુરેખા પાછળથી તાજની સાક્ષી બન્યા હતા.

તહેલકા કાંડ બાદ વિપક્ષે તત્કાલિન રક્ષા મંત્રી જ્યોર્જ ફર્નાન્ડિસને ઘેરી લીધા હતા. વિપક્ષની ટિકાને લીધે રાજીનામું આપવા આનાકાની કરી રહેલા ફર્નાન્ડિસને અંતે રાજીનામું આપવું પડ્યું હતું. તેમના અગાઉ તેમના પક્ષ સમતા પાર્ટીના તત્કાલિન અધ્યક્ષ જયા જેટલીને પણ પોતાના પદેથી રાજીનામું આપવાની ફરજ પડી હતી.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.