The High Court granted relief to the guardians on the issue of fees during the Corona period

એક તરફ કોરોના વાયરસને કારણે હજુ સુધી શાળાઓ શરૂ થઈ નથી. આગામી સમયમાં પણ શાળા ક્યારે શરૂ થશે તેની ચોક્કસ માહિતી હજુ સુધી સામે આવી નથી. કોરોના કાળ જેવા મુશ્કેલ સમયમાં પણ અનેક ખાનગી શાળાઓ પોતાની મનમાની કરીને વાલીઓ પાસે ફીની માગણી કરી રહી છે. વાલીઓ ફી આપવાની ના પાડી રહ્યાં છે તો ખાનગી શાળાઓ વિરુદ્ધ વિરોધ પણ જોવા મળી રહ્યો છે. ત્યારબાદ આ મામલો હાઈકોર્ટ સુધી પણ પહોંચ્યો હતો.

આજે આ મામલે સુનાવણી કરતા ગુજરાત હાઈકોર્ટે વાલીઓને મોટી રાહત આપી છે. હાઈકોર્ટે કહ્યું કે, કોરોના કાળમાં જ્યાં સુધી શાળા શરૂ ન થાય ત્યાં સુધી ટ્યુશન ફી સિવાય કોઈપણ પ્રકારની ફી ઉઘરાવી શકાશે નહીં. આમ હાઈકોર્ટના આ ચુકાદા બાદ વાલીઓને રાહત મળશે.

હાઈકોર્ટના નિર્ણય પર પ્રતિક્રિયા આપતા ગુજરાતના શિક્ષણ મંત્રી ભુપેન્દ્ર સિંહ ચૂડાસમાએ કહ્યુ કે, અમે હાઈકોર્ટના નિર્ણયને આવકારીએ છીએ. તેમણે કહ્યું કે, આ મુદ્દે શાળા સંચાલકો સાથે બેઠક યોજવામાં આવશે. આ બાબતે વાલીઓ અને વિદ્યાર્થીઓના હિતમાં નિર્ણય કરવામાં આવશે. શિક્ષણમંત્રીએ કહ્યું કે, શાળા સંચાલકો પણ વાલીઓના હિતમાં વિચારે તે વિનંતી કરવામાં આવશે. 

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

આ પણ વાંચો:-  મહેસાણામાં હાઈપ્રોફાઈલ જુગારધામનો પર્દાફાશ