The price went up to Rs. 70 per kg

મહારાષ્ટ્રમાં અતિવૃષ્ટીના પગલે ચાલુ વર્ષે ડુંગળીના પાકને નુકસાન પહોચ્યું છે. જેને પગલે નાસિક તેમજ અન્ય સ્થળેથી ડુંગળીની આવક ઓછી થઈ રહી છે. પરિણામે ડુંગળીનો 1 કિલોનો ભાવ રૂ.70 સુધી પહોંચી ગયો છે. દશેરા સુધી ડુંગળીનો ભાવ રૂ.100 પ્રતિ કિલો પહોંચવાની સંભાવના છે. ગરીબની કસ્તુરી ગણાતી ડુંગળીનો ભાવ આસમાને પહોંચતાં ગૃહિણીઓનું બજેટ ખોરવાયું છે. બીજી તરફ આવક ઘટતાં બટાકા પણ 1 કિલોના રૂ.50ના ભાવે વેચાઈ રહ્યા છે. સયાજીપુરા દલાલ એસો.ના પ્રમુખ સુખદેવ કાછિયાએ જણાવ્યું કે, ડુંગળીની આવક મહારાષ્ટ્રથી ઓછી થતાં હાલ બજારમાં ડુંગળી રૂ.70 સુધી પહોંચી ગઈ છે.

જ્યારે આગામી 30 દિવસ સુધી ડુંગળીનો ભાવ ઊતરે તેવા અણસાર દેખાઈ રહ્યા નથી. બીજી તરફ સૌરાષ્ટ્રની ડુંગળીને આવતાં પણ હજુ મહિનાની વાર છે. જ્યારે વરસાદની સાથે સાથે કોરોનાની અસરના પગલે પણ ભાવવધારો થયો છે. જ્યારે બટાકાની વાત કરીએ તો હાલ બટાકા રૂ.50ના ભાવે વેચાઈ રહ્યાં છે. આ બટાકા પણ કોલ્ડ સ્ટોરેજમાં સ્ટોર કરાયા હોય તે બજારમાં આવી રહ્યાં છે.

જ્યારે પંજાબના બટાકા આવતાં હજુ વાર લાગશે. બીજી તરફ ખંડેરાવ માર્કેટના વેપારી ભુપેન્દ્ર પટેલે જણાવ્યું હતું કે, ડુંગળી અને બટાકાની આવક ઓછી છે અને બીજી બાજુ કોરોના કારણે બંધ રહેલી હોટલો, રેસ્ટોરન્ટો, ખાણી-પીણીની લારીઓ ચાલુ થઇ ગઇ હોવાથી ડુંગળી-બટાકા સહિત તમામ પ્રકારના શાકભાજીની માગ વધી જતાં ડુંગળી-બટાકા સહિત તમામ શાકભાજીના ભાવમાં 10થી 15 ટકાનો ઉછાળો આવ્યો છે. જોકે, માલનો પુરવઠો આવવાની શરૂઆત સાથે ભાવ નિયંત્રણમાં આવી જશે, તેમ લાગી રહ્યું છે. શાકભાજીના ભાવો વધારે હોવાથી ગૃહિણીઓએ પણ પોતાના શાકભાજીના બજેટમાં ઘટાડો કરી દીધો છે. શાકભાજીના ધંધામાં પણ મંદી જોવા મળી રહી છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

આ પણ વાંચો:-  અમદાવાદમાં કરફ્યૂનો કડક અમલ કરાવવા પોલીસે ગોઠવ્યો લોખંડી બંદોબસ્ત

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.