પ્રવાસી મજૂરોના મામલે આજે સુપ્રીમ કોર્ટમાં સુનાવણી થઇ હતી.

પ્રવાસી મજૂરોના મામલે આજે સુપ્રીમ કોર્ટમાં સુનાવણી થઇ હતી. સુપ્રીમ કોર્ટે કહ્યું છે કે અમે  દરેક પ્રવાસીઓને ઘરે પહોંચાડવા માટે 15 દિવસનો સમય આપીશું. દરેક રાજ્યોને રેકોર્ડ પર લાવવાનું છે કે તેઓ કેવી રીતે રોજગાર અને અન્ય પ્રકારની રાહત આપશે. પ્રવાસીઓનું રજીસ્ટ્રેશન પણ થવું જોઇએ. 

- Advertisement -

અત્યારે લગભગ 1 કરોડ મજૂરોને ઘરે પહોંચાડવામા આવ્યા છે

સુનાવણી દરમિયાન સોલિસિટર જનરલ તુષાર મહેતાએ કહ્યું કે અત્યારે લગભગ 1 કરોડ મજૂરોને ઘરે પહોંચાડવામા આવ્યા છે. રોડ દ્વારા 41 લાખ અને ટ્રેનથી 57 લાખ પ્રવાસીઓને ઘરે પહોંચાડ્યા  છે. બેન્ચ સામે આંકડા રાખતા તુષાર મહેતાએ કહ્યું કે મોટાભાગની ટ્રેન ઉત્તરપ્રદેશ અને બિહાર માટે ચલાવવામા આવી હતી. 

અત્યાર સુધી 4270 શ્રમિક ટ્રેનોનું સંચાલન થયું છે

સોલિસિટર જનરલ તુષાર મહેતાએ કહ્યું કે અત્યાર સુધી 4270 શ્રમિક ટ્રેનોનું સંચાલન થયું છે. અમે રાજ્ય સરકારોના સંપર્કમા છીએ. માત્ર રાજ્ય સરકાર જ હવે કોર્ટને જણાવી શકે છે કે કેટલા પ્રવાસીઓને હજુ ઘરે પહોંચાડવાના છે અને કેટલી ટ્રેનોની જરૂરિયાત રહેશે. રાજ્યોએ એક ચાર્ટ તૈયાર કર્યો છે કારણ કે આવુ કરવા માટે તેઓ સારી સ્થિતિમા હતા. 

હારાષ્ટ્રથી અમે પહેલાજ 802 ટ્રેન ચલાવી છે

ચાર્ટ જોયા બાદ સુપ્રીમ કોર્ટે કહ્યું કે તમારા ચાર્ટ પ્રમાણે મહારાષ્ટ્રે માત્ર એક ટ્રેન માટે કહ્યું છે. તેના જવાબમાં સોલિસિટર જનરલ તુષાર મહેતાએ કહ્યું કે મહારાષ્ટ્રથી અમે પહેલાજ 802 ટ્રેન ચલાવી છે. હવે માત્ર એક જ ટ્રેન માટે અરજી છે. પછી બેન્ચે પૂછ્યું કે શું તેનો અર્થ અમને એ કાઢવો જોઇએ કે હવે કોઇ વ્યક્તિ મહારાષ્ટ્ર નહીં જાય ?

સોલિસિટર જનરલ તુષાર મહેતાએ કહ્યું કે જો કોઇ રાજ્ય કોઇ પણ સંખ્યામાં ટ્રેન માટે માંગણી કરે તો કેન્દ્ર સરકાર 24 કલાકની અંદર મદદ કરશે. તેના પર સુપ્રીમ કોર્ટે કહ્યું કે અમે દરેક રાજ્યોને તેમની માંગ રેલવેને સોંપવા માટે કહીશું. તમારા કહ્યા પ્રમાણે મહારાષ્ટ્ર અને બિહારમાં વધારે ટ્રેનની જરૂરિયાત નથી ?

આ પણ વાંચો:-  Live : યોગ થકી કોરોના ને કઈ રીતે હરવો, જાણો સપના વ્યાસ પાસેથી

સુપ્રીમ કોર્ટે કહ્યું કે અમે 15 દિવસનો સમય આપીએ છીએ જેથી રાજ્યોના પ્રવાસી શ્રમિકોના પરિવહનને પૂર્ણ કરવાની મંજૂરી મળી શકે. આ પહેલા રાષ્ટ્રીય માનવાધિકાર આયોગે આ મામલે તેમનો પક્ષ રાખવાની મંજૂરી માગી છે. તેમનું કહેવું છે કે અમે નથી ઇચ્છતા કે શ્રમિકોના અધિકારોનું ઉલ્લંઘન થાય. 

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.