The Supreme Court has clearly stated that reservation is not a fundamental right

તામિલનાડુની ડીએમકે, એઆઈડીએમકે, સીપીએમ, સહિત અનેક પાર્ટીઓએ સુપ્રીમ કોર્ટમાં NEET હેઠળ મેડિકલ કોલેજમાં સીટોને લઈને રાજ્યમાં 50 ટકા OBC અનામત મામલે અરજી દાખલ કરી હતી. 

સુપ્રીમ કોર્ટે આજે મોટી ટિપ્પણી કરતા કહ્યું કે અનામત એ મૌલિક (મૂળભૂત) અધિકાર નથી.

અનામત પર સુપ્રીમ કોર્ટે આજે મોટી ટિપ્પણી કરતા કહ્યું કે અનામત એ મૌલિક (મૂળભૂત) અધિકાર નથી. કોર્ટે તામિલનાડુમાં મેડિકલ બેઠકો પર OBC અનામત નહીં આપવામાં આવતી હોવાની વિરુદ્ધમાં કરાયેલી અરજી પર આગળ સુનાવણી કરવાની ના પાડી દીધી. કોર્ટે કહ્યું કે તામિલનાડુની તમામ રાજકીય પાર્ટીઓ રાજ્યના ઓબીસીના કલ્યાણ માટે એક સાથે મળીને આગળ આવી છે, આ અસામાન્ય વાત છે પરંતુ અનામત એ મૌલિક અધિકાર નથી. 

હકીકતમાં ડીએમકે, એઆઈડીએમકે, સીપીએમ, તામિલનાડુ સરકાર અને તામિલનાડુની અનેક પાર્ટીઓએ સુપ્રીમ કોર્ટમાં NEET હેઠળ મેડિકલ કોલેજમાં સીટોને લઈને રાજ્યમાં 50 ટકા OBC અનામત મામલે અરજી દાખલ કરી હતી. જેને લઈને સુપ્રીમ કોર્ટમાં ગુરુવારે સુનાવણી થઈ હતી પરંતુ કોર્ટે આ અરજી પર વિચાર કરવાની ના પાડી દીધી.

સુપ્રીમ કોર્ટે સ્પષ્ટ કહ્યું કે આ મામલે કોનો મૌલિક અધિકાર છીનવાઈ ગયો છે?

સુનાવણી દરમિયાન સુપ્રીમ કોર્ટે સ્પષ્ટ કહ્યું કે આ મામલે કોનો મૌલિક અધિકાર છીનવાઈ ગયો છે? અરજીકર્તાઓના વકીલોની દલીલોથી એવું લાગે છે કે તમે ફક્ત તામિલનાડુના કેટલાક લોકોના ફાયદાની જ વાત કરી રહ્યાં છો. 

જસ્ટિસ એલ નાગેશ્વર રાવની બેન્ચે સુનાવણી દરમિયાન કહ્યું કે કોઈ પણ અનામતના અધિકારનો દાવો કરી શકે નહીં. તેમણે કહ્યું કે અનામતનો અધિકાર કોઈ મૌલિક અધિકાર નથી. આજે આ જ કાયદો છે. તામિલનાડુમાં ઓબીસી વિદ્યાર્થીઓ માટે મેડિકલ કોલેજમાં સીટો અનામત નહીં કરવાના મુદ્દાને મૌલિક અધિકારનો ભંગ ગણતી એક અરજી સુપ્રીમમાં કરાઈ હતી. 

આ પણ વાંચો:-  પીએમ મોદીએ કહ્યું - ભારતને બચાવવા માટે આજે રાતે 12 વાગ્યાથી આખા દેશમાં લોકડાઉન

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.