There will be night curfew in four metros of the state from Monday

ગુજરાતના મહાનગરોમાં દિવાળીની રજાઓમાં કોરોના સંક્રમણનાં કેસ કૂદકેને ભૂસકે વધી રહ્યાં છે. ત્યારે અમદાવાદ શહેરમાં શુક્રવાર રાતથી સોમવારે સવારે 6 કલાક સુધી કરફ્યું લગાવવામાં આવ્યો છે અને વડોદરા, રાજકોટ, સુરતમાં પણ રાત્રિ કરફ્યૂ લગાવવામાં આવ્યો છે. ત્યારે આ નાજૂક પરિસ્થિતિમાં રાજ્યનાં નાયબ મુખ્યમંત્રી નીતિન પટેલે ન્યૂઝ18ગુજરાતી સાથે વાત કરી હતી. નાયબ મુખ્યમંત્રીએ લોકોને અપીલ કરી છે કે, તેઓ માસ્ક પહેરે અને સોશિયલ ડિસ્ટન્સિગનો અમલ કરે. નાયબમુખ્યમંત્રીની અન્ય મહત્ત્વની વાતચીતનાં મુખ્ય અંશો પર પણ નજરી કરીએ.

આવતીકાલથી એટલે સોમવારથી અમદાવાદનો (Ahmedabad curfew) સવારનો કરફ્યુ બંધ થઇ જશે.

નાયબ મુખ્યમંત્રી નીતિન પટેલે (Gujarat Deputy CM Nitin Patel) મીડિયા સાથે વાત કરતા જણાવ્યું કે, આવતીકાલથી એટલે સોમવારથી અમદાવાદનો (Ahmedabad curfew) સવારનો કરફ્યુ બંધ થઇ જશે. સવારે અમદાવાદ ફરીથી ધબકતુ થશે. આવતીકાલથી રાજ્યનાં ચારેય મહાનગરો અમદાવાદ, વડોદરા, સુરત અને રાજકોટમાં રાત્રિ કરફ્યુ (night curfew) રહેશે.

પોલીસ દ્વારા કોર્ટ અન્વયે જે પણ માસ્કની રકમ છે તે વસૂલવામાં આવે છે

દંડ અંગે વાત કરતા નીતિન પટેલે જણાવ્યું કે, પોલીસ દ્વારા કોર્ટ અન્વયે જે પણ માસ્કની રકમ છે તે વસૂલવામાં આવે છે, આપણે જોઇએ તો, સમજૂ, જાગૃત્ત, શિક્ષિત જવાબદાર વ્યક્તિઓ મોટાભાગે માસ્ક પહેરે છે. અને જે કોઇએ માસ્ક ન પહેર્યું હોય કે નીકળી ગયુ હોય તેમને પોલીસ, વહીવટી તંત્ર દ્વારા રોકીને માસ્ક પહેરાવવાનું સમજાવાય છે અને દંડ પણ વસૂલવામાં આવે છે. નાગરિકો માસ્ક પહેરે તે ખૂબ જરૂરી છે. દંડ અગત્યની વસ્તુ નથી. દંડ લેવા સરકારે આ નિર્ણય નથી કર્યો પણ નાગરિકોની સલામતી માટે, કોરોનાનું સંક્રમણ અટકાવવા માટેનો આ નિર્ણય છે.

માસ્ક ફરજિયાત પહેરો, માસ્કમાં પણ રૂમાલ, દુપટ્ટો કે સાદુ કપડુ હોય તેનો પણ માસ્ક ચાલે.

માસ્ક અંગે વાત કરતા તેમણે જણાવ્યું કે, નાગરિકોને મારી વિનંતી છે કે, માસ્ક ફરજિયાત પહેરો, માસ્કમાં પણ રૂમાલ, દુપટ્ટો કે સાદુ કપડુ હોય તેનો પણ માસ્ક ચાલે. એટલે બધા જ પહેરે નિયમિત પહેરે એ મારી સૌને વિનંતી છે. સરકાર તો કાયદા ઘડે, વ્યવસ્થા કરે પરંતુ પ્રજાનો સહકાર જરૂરી છે. કોરોનાના નિયમો પાળવા તો આપણા માટે જ છે, આપણા જીવ માટે છે પરિવાર માટે છે. એટલે બધા જ માસ્ક પહેરે તે જરૂરી છે. કોરોનાના કેસ ઓછા