These 7 big tax revenue hit the state by Rs 11,576 crore in 6 months

કોરોના-લોકડાઉન-મંદીના ત્રેવડા મારથી ગુજરાત સરકારનું અર્થતંત્ર હચમચી ગયું છે. રાજ્યના ૭ મોટા કરવેરાની આવકમાં ૨૦૨૦-૨૧માં સપ્ટેમ્બર સુધીના પ્રથમ ૬ માસમાં આગળના વર્ષના આ જ સમયગાળાની તુલનાએ રૂ. ૧૧,૫૭૬ કરોડનો જંગી ફટકો પડયો છે.

સરકારે વર્ષ ૨૦૨૦-૨૧માં વેટ-જીએસટી, વ્યવસાય વેરો, મોટર વાહન વેરો, સ્ટેમ્પ ડયૂટી અને નોંધણી ફી, નશાબંધી-આબકારી, ઇલેક્ટ્રિસિટી ડયૂટી તથા મુસાફર વેરો-એમ ૭ મોટા કરવેરાઓ દ્વારા કુલ રૂ. ૧,૦૧,૩૧૭ કરોડની આવક રળવાનું લક્ષ્યાંક રાખ્યું છે, જેની સામે સપ્ટેમ્બર સુધીના ૬ માસમાં કુલ રૂ. ૩૧,૫૦૩ કરોડની આવક થઈ છે, જે આવક ૨૦૧૯-૨૦ના પ્રથમ ૬ માસમાં રૂ. ૪૩,૦૭૯ કરોડ રહી હતી.

આમ રાજ્યની આ કરવેરાની આવકમાં અગાઉના વર્ષની સરખામણીએ ૨૭ ટકાનો મોટો ઘટાડો નોંધાયો છે, જ્યારે ૬ માસમાં માત્ર ૩૧ ટકા જ લક્ષ્યાંક સિદ્ધ થઈ શક્યો છે.  ટકાવારીની દૃષ્ટિએ સૌથી મોટો માર મુસાફર વેરામાં પડયો છે, જે ૮૭ ટકા ઘટ દર્શાવે છે, અલબત્ત રકમની દૃષ્ટિએ રૂ. ૮,૪૮૦ કરોડનો સૌથી મોટો ફટકો નેટ જીએસટી વત્તા વેટની આવકમાં પડયો છે.

નેટ જીએસટી કલેક્શન સપ્ટે.-૨૦૨૦ સુધી રૂ. ૧૭,૪૪૪ કરોડ રહ્યું છે, જે આ જ ગાળામાં અગાઉના વર્ષે રૂ. ૨૨,૮૨૫ કરોડ રહ્યું હતું. જ્યારે નેટ વેટ એકત્રીકરણ સપ્ટે. ૨૦૨૦ સુધી રૂ. ૭,૬૨૦ કરોડ થયું છે, જે આ જ સમયગાળામાં અગાઉના વર્ષે રૂ. ૧૦,૭૧૯ કરોડ નોંધાયું હતું. લોકોની ખરીદશક્તિ અત્યારે ખૂબ ઘટી હોઈ તેની મોટી માઠી અસર નવા વાહનોની ખરીદી તથા મિલકતોની ખરીદી ઉપર પડી છે.

સ્ટેમ્પ ડયૂટી તથા નોંધણી ફી કચેરીના સૂત્રો કહે છે કે, રીઅલ એસ્ટેટ બજારમાં અસ્ક્યામતોની કિંમતમાં ઘટાડો થાય તો જ લેવાલી નીકળે અને તેજીનો પવન ફૂંકાય તેમ છે. સ્ટેમ્પ ડયૂટી અને નોંધણી ફી તથા મોટર વાહન વેરાની આવકમાં અનુક્રમે ૪૧ ટકાનો તથા ૫૩ ટકાનો મોટો ઘટાડો રાજ્યની તિજોરીને સહન કરવો પડયો છે.

આ પણ વાંચો:-  લૉકડાઉન?, 4 શહેરોમાં રાત્રિની સાથે દિવસે પણ લૉકડાઉનની પ્રબળ શક્યતા?

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.