Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - <a href="https://news4gujarati.com/tag/news4/" class="st_tag internal_tag" rel="tag" title="Posts tagged with news4">News4</a> Gujarati

Three policemen from Kamaraj police station were dispersed

રાજ્યમાં જાણે પોલીસ પોતાની સત્તાનો દુરુપયોગ કરવામાં બેફામ બની હોય તેવું લાગી રહ્યું છે કારણ કે, અવાર નવાર પોલોસ આરોપીઓ પાસેથી અથવા તો લોકો પાસેથી લાંચની માગણી કરતી હોય તેવા કિસ્સાઓ સામે આવી રહ્યા છે. થોડા દિવસો પહેલા સૌરાષ્ટ્રમાં પોલીસે જુગાર રમતા પકડાયેલા આરોપી પાસેથી 3 લાખ રૂપિયાની લાંચ માગી હોવાનો કિસ્સો સામે આવ્યો હતો અને લાંચ ન આપતા પોલીસે આરોપીને ઢોર મારમારી હોસ્પિટલ ભેગો કર્યો હોવાની પણ માહિતી સામે આવી હતી. ત્યારબાદ અમદાવાદમાં શાકભાજી વાળા પાસેથી રોજ 50 અને 100 રૂપિયાની લાંચ લેતાં ત્રણ પોલીસકર્મી એન્ટિ કરપ્શન બ્યૂરોના હાથે ઝડપાયા હતા અને ત્યારે હવે આવો જ એક કિસ્સો ફરીથી સુરતમાં સામે આવ્યો છે.

- Advertisement -

રિપોર્ટ અનુસાર સુરત જિલ્લાના કામરેજ પોલીસ સ્ટેશનમાં સળિયા ચોરી બાબતે પકડવામાં આવેલા આરોપીઓને ત્રણ દિવસ સુધી પોલીસ સ્ટેશનમાં ગોંધી રાખ્યા બાદ 10 લાખ રૂપિયાની લાંચ માંગવામાં આવી હોવાનો આક્ષેપ પોલીસ સ્ટેશનના જમાદાર અને બે પોલીસકર્મી સામે થયો હતો. આ સમગ્ર પ્રકરણ બહાર આવ્યા બાદ જમાદાર અને બે પોલીસકર્મીની બદલી જિલ્લાના હેડક્વાર્ટર ખાતે કરી દેવામાં આવી હતી.

મળતી વિગતો અનુસાર સુરતના કામરેજ પોલીસ સ્ટેશનમાં સળિયા ચોરી બાબતે એક ફરિયાદ નોંધવામાં આવી હતી. આ ફરિયાદ મામલે કામરેજ પોલીસ સ્ટેશનમાં ફરજ બજાવતા હેડ કોન્સ્ટેબલ કુલદીપદાન ગઢવી, પોલીસ કોન્સ્ટેબલ અલ્પેશ અને પોલીસ કોન્સ્ટેબલ જયેશ સળિયા ચોરીના ગુનામાં એક વ્યક્તિને પકડી લાવ્યા હતા અને તેની ધરપકડ કરી હતી. ત્યારબાદ તે વ્યક્તિને પોલીસ સ્ટેશનમાં ત્રણ દિવસ સુધી ગોંધી રાખીને 10 લાખ રૂપિયાની માગણી કરી હતી. આ સમગ્ર મામલે ACBમાં ફરિયાદ થતાં 10 દિવસ અગાઉ ACB દ્વારા છટકું ગોઠવવામાં આવ્યુ હતું.

આ પણ વાંચો:-  અમદાવાદ અને સુરતમાં કોરોનાના વધતા કેસોને ધ્યાનમાં રાખી કેન્દ્ર સરકારની ટીમનાં અમદાવાદમાં ધામા

ACB દ્વારા છટકું ગોઠવવામાં આવ્યું છે તેવી માહિતી કિમ પોલીસ સ્ટેશનમાં ફરજ બજાવતા પોલીસકર્મીને મળતા તેણે કામરેજ પોલીસ સ્ટેશનના આ ત્રણે પોલીસકર્મીઓને સજાગ કરી દીધા હતા. જેના કારણે ACB ટ્રેપમાં નિષ્ફળ ગઈ હતી પરંતુ હજુ પણ સમગ્ર મામલે ACBએ હાર નહીં માનીને કામરેજ પોલીસ સ્ટેશનના ફૂટેજ મંગાવ્યા છે. પોલીસ સ્ટેશનમાં ત્રણ દિવસ સુધી આરોપીને ગોંધી રાખ્યા હોવાનો આક્ષેપ કરવામાં આવ્યો છે તેનો ફૂટેજ પરથી જ ખુલાસો થશે. એન્ટી કરપ્શન બ્યુરો દ્વારા કામરેજ પોલીસ સ્ટેશનના ફૂટેજ માગણી કરતા પોલીસબેડામાં ખળભળાટ મચી જવા પામ્યો છે. તો બીજી તરફ આ સમગ્ર મામલે જેમના પર 10 લાખ માંગવાનો આક્ષેપ થયો છે તેવા હેડ કોન્સ્ટેબલ કુલદીપદાન ગઢવી, પોલીસ કોન્સ્ટેબલ અલ્પેશ અને પોલીસ કોન્સ્ટેબલ જયેશની તાત્કાલિક અસરથી સુરત જિલ્લાના હેડક્વાર્ટરમાં બદલી કરી દેવામાં આવી છે.

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -