Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Trump returned to the White House from the hospital, removing his mask as soon as he left

ત્રણ દિવસ પહેલાં કોરોના પોઝિટિવ આવ્યા પછી ડોનાલ્ડ ટ્રમ્પ સારવાર બાદ સોમવારે રાત્રે હોસ્પિટલથી વ્હાઈટ હાઉસ આવી ગયા છે. તેમણે કહ્યું હતું કે કોરોનાથી ડરવાની જરૂર નથી. જોકે તેમના ડોક્ટરે કહ્યું છે કે રાષ્ટ્રપતિએ તબિયતનું વધારે ધ્યાન રાખવાની જરૂર છે, કારણ કે હજુ જોખમ સંપૂર્ણ ટળ્યું નથી. વ્હાઈટમાં હાઉસમાં ટ્રમ્પે માસ્ક પણ હટાવી દીધું હતું.

- Advertisement -

અમુક મીડિયા રિપોર્ટ્સમાં કહેવામાં આવ્યું છે કે ટ્રમ્પ 15 ઓક્ટોબરે થનારી બીજી પ્રેસિડેન્શિયલ ડિબેટમાં ભાગ લઈ શકે છે. જોકે વ્હાઈટ હાઉસ તરફથી આ વિશે હજી ઓફિશિયલ જાહેર કરવામાં આવ્યું નથી.

ત્રણ દિવસ પછી ટ્રમ્પ વ્હાઈટ હાઉસ પહોંચ્યા છે. અહીં તેમના પર્સનલ ડોક્ટર સીન કોનલેએ કહ્યું છે કે હજી જોખમ સંપૂર્ણ ટળ્યું નથી. રાષ્ટ્રપતિએ જરૂરી સાવધાની રાખવી પડશે. તેમની સારવાર ચાલુ રહેશે. હોસ્પિટલથી ટ્રમ્પ સૂટ અને માસ્કમાં નીકળ્યા હતા. તેમણે મીડિયા સામે જોઈને હાથ હલાવ્યો હતો. મીડિયાએ દૂરથી સવાલ પૂછવાનો પ્રયત્ન કર્યો હતો, પરંતુ તેમણે માત્ર આભાર વ્યક્ત કર્યો હતો. ખાસ વાત એ છે કે આ સમયે તેમણે તેમના મોઢા પરથી માસ્ક હટાવી દીધું હતું. હોસ્પિટલમાંથી નીકળીને તેઓ તેમના ઓફિશિયલ હેલિકોપ્ટર મરીન વનમાં બેઠા અને 10 મિનિટમાં વ્હાઈટ હાઉસ પહોંચ્યા હતા.

કોનલેએ સ્પષ્ટ કહ્યું કે, રાષ્ટ્રપતિના સ્વાસ્થય પર સતત નજર રાખવામાં આવી રહી છે, કારણકે જોખમ હજી સંપૂર્ણ રીતે ટળ્યું નથી. ટ્રમ્પની પ્રેસ સેક્રેટરી કૈલી મૈક્કેનીનો પણ કોરોના રિપોર્ટ પોઝિટિવ આવ્યો છે. ટ્રમ્પે હોસ્પિટલમાંથી નીકળતાં પહેલાં કહ્યું કે, કોવિડ-19થી ડરવાની જરૂર નથી. તેને પોતાના જીવન પર હાવી ન થવા દેવું. ત્યારપછી એક વિડિયોપણ પોસ્ટ કર્યો હતો. તેમણે વિડિયોમાં કહ્યું હતું કે, એક વાત સ્પષ્ટ છે કે, કોરોનાને પોતાના જીવન પર હાવી ન થવા દેવો. તમે સરળતાથી તેને હરાવી શકો છો.

આ પણ વાંચો:-  આ દેશમાં માણસના આકારના દેખાયા ચામરચીડિયા, લોકો પણ ડરી ગયા

અમુક મીડિયા રિપોર્ટ્સમાં કહેવામાં આવ્યું છે કે, ટ્રમ્પ 15 ઓક્ટોબરે થનારી બીજી પ્રેસિડેન્શિયલ ડિબેટમાં ભાગ લેશે. તે માટે તેમણે તૈયારીઓ પણ શરૂ કરી દીધી છે. તેમના કેમ્પેઈન મેનેજર રાયન નોબ્સે કહ્યું કે, ટ્રમ્પ બીજી ડિબેટમાં ભાગ લેશે. મને આ વિશે માહિતી આપવામાં આવી છે. તેમની કેમ્પેઈન ટીમને આ વિશે કમિશન ઓફ ડિબેટ એટલે કે સીપીડીને આ વિશે માહિતી આપવી પડશે. ઓફિશિયલ જાહેરાત પછી કરવામાં આવશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -