Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

US President Donald Trump and wife Melania Trump Corona positive

અમેરિકાના રાષ્ટ્રપતિ ડોનાલ્ડ ટ્રમ્પ અને ફર્સ્ટ લેડી મેલેનિયા ટ્રમ્પનો કોરોના ટેસ્ટ પોઝિટિવ આવ્યો છે. અત્રે જણાવવાનું કે રાષ્ટ્રપતિ ડોનાલ્ડ ટ્રમ્પના બહુ જ નજીકના મહિલા સહયોગી હોપ હિક્સ (Hope Hicks) નો કોરોના રિપોર્ટ પોઝિટિવ આવતા જ વ્હાઈટ હાઉસમાં ખળભળાટ મચી ગયો હતો અને તાબડતોબ રાષ્ટ્રપતિ ટ્રમ્પ અને ફર્સ્ટ લેડી મેલેનિયા ટ્રમ્પ હોમ ક્વોરન્ટિન થયા હતા અને તેમના કોરોના ટેસ્ટ પણ કરાવવામાં આવ્યા હતા.

રાષ્ટ્રપતિ ડોનાલ્ડ ટ્રમ્પના કાઉન્સિલર હોપ હિક્સે તાજેતરમાં જ ટ્રમ્પની સાથે ઓહિયોમાં આયોજિત પ્રથમ પ્રેસિડેન્શિયલ ડિબેટમાં ભાગ લીધો હતો. હિક્સનો કોરોના રિપોર્ટ પોઝિટિવ (Coronavirus Test) આવ્યા બાદ સૌનું ધ્યાન ટ્રમ્પ તરફ હતું. 

ટ્રમ્પના જમાઈ પણ હિક્સ સાથે હતા

હિક્સનો રિપોર્ટ પોઝિટિવ આવતા પહેલા તે અનેક લોકોને મળી હતી. ટ્રમ્પના જમાઈ જેરેડ કુશનર, ડેન સ્કૈવિનો અને નિકોલસ લૂનાની સાથે મરીન વનમાં હિક્સ છેલ્લીવાર જોવા મળી હતી. ચોંકાવનારી વાત એ છે કે, તેમાંથી કોઈએ પણ ચહેરા પર માસ્ક પહેર્યું ન હતું. 

‘હિક્સ માસ્ક પહેરતી હતી, છતા પણ પોઝિટિવ’

આ અગુઆ ટ્રમ્પે ટ્વીટ કરીને કહ્યું હતું કે હોપ હિક્સ, જે કોઈ પણ બ્રેક લીધા વગર મહેનતથી કામ કરતી હતી, તે કોરોના પોઝિટિવ આવી છે. આ ખુબ ખરાબ છે. ફર્સ્ટ લેડી અને હું અમારા ટેસ્ટના પરિણામોની રાહ જોઈએ છીએ. આ દરમિયાન અમે ક્વોરન્ટિન પ્રોસેસ શરૂ કરી દીધી છે. કોરોનાને લઈને ટીકાઓનો સામનો કરી રહેલા ટ્રમ્પે ફોક્સ ન્યૂઝને એક ઈન્ટરવ્યુમાં કહ્યું હતું કે તે પોઝિટિવ આવી છે, તે મહેનતી છે, તે ખુબ માસ્ક પહેરે છે. પરંતુ છતાં પોઝિટિવ આવી. 

આ બાજુ વ્હાઈટ હાઉસે એક નિવેદન બહાર પાડીને કહ્યું છે કે રાષ્ટ્રપતિ પોતાના અને પોતાના સમર્થનમાં કામ કરતા લોકો અને અમેરિકાની જનતાના સ્વાસ્થ્ય અને સુરક્ષાને ખુબ ગંભીરતાથી લે છે. 

આ પણ વાંચો:-  કોરોના વાયરસ ચીન તરફની સૌથી ખરાબ ભેટ છેઃ ડોનાલ્ડ ટ્રમ્પ

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -