વડોદરામાં ભાજપનાં કાઉન્સિલરને કોરોના રિપોર્ટ પોઝિટિવ આવ્યો છે. મહિલા કોર્પોરેટર દિપીકા પટણીને કોરોના પોઝિટિવ હોવાનું નિદાન થયું છે. દિપીકા પટણી વડોદરા મહાનગરપાલિકામાં વોર્ડ નં 14 નાં કાઉન્સિલર છે. કોરોનાગ્રસ્ત મહિલા કાઉન્સિલરને હાલ ખાનગી હોસ્પિટલમાં સારવાર માટે દાખલ કરાયા છે. ભાજપના આ માહિલા કોર્પોરેટરે હાલમાં જ પાલિકાની સામાન્ય સભામાં પણ ભાગ લીધો હતો. ઉલ્લેખનીય છે કે, ગઈકાલે વડોદરામાં કોંગ્રેસના પૂર્વ કોર્પોરેટરનું મોત નિપજ્યું છે. કોરોના વાયરસના કારણે યાકુતપુરામાં રહેતા પૂર્વ કોર્પોરેટર મંજૂરખાન પઠાણનું મોત થયું છે. મંજૂરખાન પઠાણ પારૂલ મેડિકલ કોલેજમાં સારવાર હેઠળ હતા. છેલ્લા એક અઠવાડિયાથી તેઓ હોસ્પિટલમાં દાખલ હતા. 

- Advertisement -

વડોદરામા કોરોનાથી આજે વધુ બે દર્દીઓના મોત થયા છે. વડોદરામાં એક દવાના વેપારી અને અન્ય એક વ્યક્તિનુ મોત થયું છે. વાઘોડિયા રોડ વિસ્તારના દવાના એક વેપારી અને આજવા રોડ વિસ્તારના વૃદ્ધનું કોરોનાથી મોત નિપજ્યું છે. આરોગ્ય વિભાગે મેડિકલ બુલેટીનમાં મોતની માહિતી નથી આપી. આમ, વડોદરાનો સત્તાવાર મૃત્યુઆંક 42 થયો છે.

વડોદરામાં આજે ભાજપ કોર્પોરેટરનું દુઃખદ અવસાન થયું છે. વોર્ડ 11 ના ભાજપ કોર્પોરેટર અરવિંદ પટેલને હાર્ટ એટેક આવતા મોત નિપજ્યું  છે. અરવિંદ પટેલ વડોદરાની ખાનગી હોસ્પિટલમાં સારવાર હેઠળ હતા. ભાજપ કોર્પોરેટરના મોતથી ભાજપમાં શોકની લાગણી ફેલાઈ ગઈ છે.

વડોદરામાં ટ્યુશન ક્લાસ શરૂ કરવા માંગ ઊઠી છે. ટ્યુશન ક્લાસ એસોસિયેશને સોશિયલ મીડિયા પર આ મામલે અભિયાન શરૂ કર્યું છે. જેમાં 10 હજાર લોકોએ ટ્વિટ અને મેઈલ કર્યા છે. સરકાર પાસે ટ્યુશન ક્લાસ શરૂ કરવા અથવા રાહત પેકેજ આપવા સંચાલકોએ માંગ કરી છે. તેઓએ કહ્યું કે, વિદ્યાર્થીઓ પણ ઘરે બેઠા બેઠા કંટાળ્યા છે. તેમજ નવા શૈક્ષણિક સત્રમાં ટ્યુશન ક્લાસને પણ તેઓ લોકડાઉનને કારણે રિનોવેટ પણ નથી કરાવી શક્યા.

આ પણ વાંચો:-  કોરોનાને લઈને ગુજરાત માટે આજે ખતરાની ઘંટી વાગી, રાજ્યમાં વધુ 10 કેસો નોંધાતા મચ્યો હાહાકાર