Sunday, July 25, 2021
More

    Latest Posts

    વડોદરા મનપાના મ્યુ. કમિશનર પદે શાલિની અગ્રવાલે ચાર્જ સંભાળ્યો

    Vadodara Manpana Mu. Shalini Agarwal took charge as the commissioner

    વડોદરા મહાનગરપાલિકાના બીજા મહિલા મ્યુનિસિપલ કમિશનર તરીકે શાલિની અગ્રવાલે અને ઇન્ચાર્જ જિલ્લા કલેક્ટર તરીકે જિલ્લા વિકાસ અધિકારી કિરણ ઝવેરીએ ચાર્જ સંભાળ્યો હતો. પદભાર સંભાળનાર મ્યુનિસિપલ કમિશનર અને જિલ્લા કલેક્ટરે જણાવ્યું હતું કે, અમે બધાને સાથે રાખી વડોદરા શહેર જિલ્લાની વિકાસ યાત્રાને આગળ ધપાવીશુ.

    નોંધનીય છે કે, કોરોનાની મહામારીમાં જિલ્લા કલેક્ટર તરીકે તેઓએ સફળ કામગીરી બજાવી હતી. પરિણામ સ્વરૂપ સરકાર દ્વારા તેઓને મ્યુનિસિપલ કમિશનર તરીકેની જવાબદારી સોંપી છે. જ્યારે 38 માસથી વડોદરા જિલ્લા વિકાસ અધિકારી તરીકે ફરજ બજાવી રહેલા કિરણ ઝવેરીને સરકાર દ્વારા વધારાનો જિલ્લા કલેક્ટર તરીકે ચાર્જ સોંપવામાં આવ્યો છે. શાલિની અગ્રવાલે મ્યુનિસિપલ કમિશનર તરીકેનો ચાર્જ સંભાળ્યા બાદ કોર્પોરેશનના અધિકારીઓ તેમજ ચૂંટાયેલા હોદ્દેદારો દ્વારા શુભેચ્છા પાઠવવામાં આવી હતી. તેઓએ ચાર્જ સંભાળ્યા બાદ સવારથી શુભેચ્છકોનો ધસારો રહ્યો હતો. કોર્પોરેશનની કચેરીમાં સવારથી ચહલ પહલ શરૂ થઇ ગઇ હતી.

    આ પણ વાંચો:-  ગુજરાતમાં બીજા વર્ષે પણ જન્માષ્ટમીના લોકમેળા નહીં યોજાય

    વડોદરા જિલ્લા કલેકટર તરીકે સફળ કામગીરી બજાવનાર શાલિની અગ્રવાલ વડોદરા શહેરમાં મ્યુનિસિપલ કમિશનર તરીકેની જવાબદારી સંભાળવા માટે આજથી સજ્જ થઇ ગયા હતા. આવનારા દિવસોમાં વર્તમાન ચોમાસાની ઋતુ તેમજ સંભવતઃ કોરોનાની આવી રહેલી ત્રીજી જાહેર તેઓ માટે પડકારરૂપ સાબિત થશે, ત્યારે તેઓ કેટલા સફળ રહે છે તે સમય બતાવશે.

    વડોદરા મહાનગરપાલિકાના મ્યુનિસિપલ કમિશનર તરીકે શાલિની અગ્રવાલ સવારે 10 વાગ્યે ચાર્જ સંભાળ્યા બાદ શાલિની અગ્રવાલ કોર્પોરેશનના અધિકારીઓ સાથે બેઠક કરશે. આ બેઠકમાં તેઓ વડોદરા શહેરની ભૌગોલિક પરિસ્થિતિની માહિતી મેળવશે. આ ઉપરાંત તેઓ આગામી ચોમાસાની ઋતુમાં વડોદરા મહાનગરપાલિકા દ્વારા કરવામાં આવેલી પ્રિ-મોન્સુન કામગીરી અંગેની પણ અધિકારીઓ પાસેથી માહિતી મેળવશે.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

    આ પણ વાંચો:-  મુખ્યમંત્રી વિજય રૂપાણીએ પત્ની અંજલી રૂપાણી સાથે દ્વારકાધીશના દર્શન કર્યા