Sunday, July 25, 2021
More

    Latest Posts

    રાહુલ ગાંધી આવતીકાલે સુરત કોર્ટમાં હાજરી આપે તેવી શક્યતા, કોંગ્રેસના દિગ્ગજ નેતાઓ દોડી આવ્યા

    With Rahul Gandhi likely to appear in Surat court tomorrow, veteran Congress leaders rushed to the spot

    કોંગ્રેસ નેતા રાહુલ ગાંધી આવતીકાલે સુરત આવવાની શક્યતાઓ સેવવામાં આવી રહી છે. રાહુલ ગાંધીએ નિવેદન કર્યું હતું કે દરેક ચોરની અટક મોદી કેમ હોય છે. આ સંદર્ભે સુરતના ધારાસભ્ય પૂર્ણેશ મોદીએ કોર્ટમાં માનહાનિનો કેસ દાખલ કર્યો હતો. ગુજરાત કોંગ્રેસ અધ્યક્ષ અમિત ચાવડાએ જણાવ્યું કે તેઓ આ અગાઉ પણ આ કેસની સુનાવણી માટે સુરત આવ્યા હતા. આ અગાઉ રાહુલ ગાંધી ઓક્ટોબર, 2019માં કોર્ટમાં હાજર રહ્યા હતા.

    રાહુલ ગાંધી દ્વારા મોદી સમાજ ને લઈને કરેલી ટિપ્પણીને કારણે તેમની સામે મોદી સમાજ દ્વારા કોર્ટમાં કેસ દાખલ કરવામાં આવ્યો હતો. રાહુલ ગાંધીએ જાહેર સભામાં તમામ મોદી ચોર હોવાની ટીપ્પણી કરી હતી. જેમાં તેમણે નીરવ મોદી, લલિત મોદી, સહિતના નામો લઇને વડાપ્રધાન નરેન્દ્ર મોદીને કૌભાંડી અને ભ્રષ્ટાચારી ગણાવ્યા હતા. જેને લઇને સુરતના ધારાસભ્ય પૂર્ણેશ મોદીએ કોર્ટમાં કેસ દાખલ કર્યો હતો. પૂર્ણેશ મોદીના કહેવા પ્રમાણે સમગ્ર મોદી સમાજને ચોર કહેતાં સમાજની લાગણી દુભાય છે.

    આ પણ વાંચો:-  રાજકોટમાં એક વર્ષમાં 90 મંડળીઓ દૂધમાં ભેળસેળ કરતી પકડાઈ

    રાહુલ ગાંધીને કાલે કોર્ટમાં પેશી હોવાથી કોંગ્રેસના દિગ્ગજ નેતાઓ સુરત પહોંચી ગયા છે. કોંગ્રેસના પ્રદેશાધ્યક્ષ અમિત ચાવડા વિરોધ પક્ષના નેતા પરેશ ધાનાણી સહિતના નેતાઓ આજે કાર્યકર્તાઓ સાથે બેઠકનું આયોજન કર્યું હતું. કોંગ્રેસ નેતા રાહુલ ગાંધી આવતા હોવાથી કોંગ્રેસ પક્ષમાં પણ તૈયારીઓ શરૂ કરવામાં આવી છે. સુરત ચીફ જ્યુડિશિયલ કોર્ટમાં તેવો હાજરી આપશે. રાહુલ ગાંધી આ કેસમાં બીજી વખત સુરત આવી શકે છે.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

    આ પણ વાંચો:-  સુરતમાં વરાછા ખાતે હોસ્પિટલ બહાર રસ્તા પર પાર્ક કરેલી કારમાં આગ