Sunday, July 25, 2021
More

    Latest Posts

    ગુજરાતમાં 2022ની વિધાનસભા ચૂંટણીમાં તમામ બેઠકો પર આપ ચૂંટણી લડશે: કેજરીવાલ

    You will contest all the seats in Gujarat in the 2022 Assembly elections: Kejriwal

    દિલ્હીના મુખ્યમંત્રી અરવિંદ કેજરીવાલની એક દિવસીય ગુજરાત મુલાકાતને લઇને રાજકીય ગરમાવો જોવા મળી રહ્યો છે. અરવિંદ કેજરીવાલ આજે સવારે અમદાવાદ એરપોર્ટ આવી પહોંચ્યા હતા, જ્યાં આપના કાર્યકરોએ તેમનું સ્વાગત કર્યું હતું. એરપોર્ટથી તેઓ સર્કિટ હાઉસ પહોંચ્યા હતા. ત્યાર બાદ તેમણે પ્રેસ કોન્ફરન્સ સંબોધી હતી.

    પ્રેસ કોન્ફરન્સમાં કેજરીવાલે ગુજરાત વિધાનસભાની આગામી ચૂંટણીને લઇને મોટી જાહેરાત કરી છે. તેમણે કહ્યું કે, ૨૦૨૨માં તમામ બેઠકો પર આમ આદમી પાર્ટી ચૂંટણી લડશે. ઉપરાંત તેમણે ભાજપ અને કોંગ્રેસ પર પ્રહાર કરતાં કહ્યું કે, કોંગ્રેસ ભાજપનાં ખિસ્સામાં છે. જ્યારે ભાજપને જરૂર પડી ત્યારે  કોંગ્રેસે માલ સપ્લાય કર્યો છે. 

    તેમણે કહ્યું કે, ગુજરાતના ખેડૂતો આત્મહત્યા કરે છે, સરકારી સ્કૂલોની હાલત ખરાબ છે. અહીં ખેડૂતો અને વિદ્યાર્થીઓ પરેશાન છે. વેપારીઓ ભયમાં છે. ગુજરાતને કોરોના કાળમાં અનાથ છોડી દેવામાં આવ્યું હતું. ગુજરાતમાં યુવા બેરોજગાર, સારું શિક્ષણ નથી તેમજ સરકારી હોસ્પિટલ, સ્કૂલો ખરાબ છે. ગુજરાતનું મોડલ ગુજરાતમાં જ રહેશે. ગુજરાતના લોકો પોતાનું મોડલ ખુદ તૈયાર કરશે.

    પૂર્વ પત્રકાર ઇસુદાન ગઢવી અરવિંદ કેજરીવાલની હાજરીમાં આમ આદમી પાર્ટીમાં જોડાઇ ગયા છે. ઇસુદાન ગઢવીએ જણાવ્યું કે, લોકોએ મને બહુ પ્રેમ આપ્યો છે. પત્રકાર તરીકે વિચાર્યું નહોતું કે આ મંચ પર હોઇશ. એક પત્રકાર તરીકે લોકોને લાભ અપાવવા પ્રયાસ કર્યો, મને લાગ્યું કે હવે બમણી મહેનત કરવી પડશે જેથી મેં રાજકારણમાં આવવાનું નક્કી કર્યું છે.  જે રીતે અરવિંદ કેજરીવાલે લોકોની સેવા માટે આપ પક્ષ બનાવ્યો હતો. તે જ રીતે હું પણ લોકોની સેવા કરવા માટે જ આપ પાર્ટીમાં જોડાયો છું. 

    આ પણ વાંચો:-  સોમવારથી ધોરણ 9થી 11નાં બાળકોને ઓડ-ઇવન પદ્ધતિથી ભણવું પડશે

    કેજરીવાલ પ્રેસ કોન્ફરન્સ બાદ બપોરે પાર્ટીના પ્રદેશ કાર્યાલયનું ઉદ્ધાટન કરશે. જે બાદ બપોરે પ્રદેશ હોદ્દેદારો સાથે બેઠક કરશે. જ્યારે આ દરમિયાન કેટલાક અગ્રણીને પક્ષમાં સામેલ પણ કરાવશે. 

    ઉલ્લેખનીય છે કે, કેજરીવાલે રવિવારે એક ટ્વીટ કરીને કહ્યું કે, ‘હવે, બદલાશે ગુજરાત, કાલે હું ગુજરાત આવી રહ્યો છું. ગુજરાતના બધાં ભાઈ-બહેનોને મળીશ.’ આમ તો વાત સામાન્ય છે પણ રાજકીય રીતે તેનું મહત્ત્વ ઘણું છે. આ ટ્વીટે રાજ્યની રાજકીય ક્ષિતિજે ભારે હલચલ મચાવી છે.

    આ પણ વાંચો:-  સુરતમાં વરાછા ખાતે હોસ્પિટલ બહાર રસ્તા પર પાર્ક કરેલી કારમાં આગ

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.