ભારતીય મહિલા ટીમે સેમિફાઇનલમાં ડિફેન્ડિંગ ચેમ્પિયન ઓસ્ટ્રેલિયાને હરાવીને રોકી હતી. પ્રથમ બેટિંગ કરતા ઓસ્ટ્રેલિયાએ 49.5 ઓવરમાં 338 રન બનાવ્યા હતા. જવાબમાં ભારત માટે જેમિમાએ સદી ફટકારી અને કેપ્ટન હરમનપ્રીત સાથે ત્રીજી વિકેટ માટે 167 રનની ભાગીદારી કરી, જેના કારણે ભારતે 48.3 ઓવરમાં પાંચ વિકેટે 341 રન બનાવીને મેચ જીતી લીધી. ઓસ્ટ્રેલિયન ટીમ આ ટૂર્નામેન્ટમાં અજેય રહી હતી, પરંતુ ભારતીય ટીમે એલિસ હીલીની ટીમના વિજેતા અભિયાનને રોકી દીધું હતું. ભારત હવે રવિવારે ફાઇનલમાં દક્ષિણ આફ્રિકા સામે ટકરાશે, જેણે અન્ય સેમિફાઇનલમાં ઇંગ્લેન્ડને હરાવ્યું હતું.
ભારતીય ટીમ ત્રીજી વખત ODI વર્લ્ડ કપની ફાઇનલમાં પહોંચી છે. ટીમ આ પહેલા 2005 અને 2017માં પણ ટાઈટલ મેચમાં પહોંચી હતી. ભારત અત્યાર સુધી ક્યારેય વર્લ્ડ કપ ટ્રોફી જીતી શક્યું નથી અને હવે તેની પાસે ખિતાબનો દુષ્કાળ ખતમ કરવાની સારી તક છે. ઓસ્ટ્રેલિયાને રોકવું ભારત માટે આસાન નહોતું, પરંતુ જેમિમા અને હરમનપ્રીતે તે શક્ય બનાવ્યું. ઓસ્ટ્રેલિયાએ ગ્રુપ સ્ટેજમાં ભારતને હરાવ્યું હતું, પરંતુ ભારતે તેમને સેમિફાઈનલમાં હરાવીને ટૂર્નામેન્ટમાંથી બહારનો રસ્તો બતાવ્યો હતો.
ભારત અને ઓસ્ટ્રેલિયા વચ્ચે મહિલા વર્લ્ડ કપની નોકઆઉટ મેચોની વાત કરીએ તો બંને ટીમો અત્યાર સુધીમાં ચાર વખત ટકરાયા છે જેમાં ભારત અને ઓસ્ટ્રેલિયા બે-બે વખત જીત મેળવવામાં સફળ રહી છે. ભારતે સેમીફાઈનલમાં ઓસ્ટ્રેલિયાને હરાવીને તેની 2017ની જીતની યાદો તાજી કરી છે. ભારતે 2017માં મહિલા વર્લ્ડ કપની સેમીફાઈનલમાં પણ ઓસ્ટ્રેલિયાને હરાવ્યું હતું.જો કે તે સમયે ટીમ ટાઈટલ જીતવાથી ચૂકી ગઈ હતી.
