ભારતે ચંદ્રને સ્પર્શ કર્યો, ISROની સફળતા પર નાસાએ આ કહ્યું
ડિજિટલ ડેસ્ક ભારતે ચંદ્ર પર અદભૂત ઉતરાણ કરીને દુનિયાને પોતાની તાકાત બતાવી છે. ISROનું ચંદ્રયાન-3 ચંદ્રની સપાટી પર સફળતાપૂર્વક લેન્ડ થયું છે.ભારત ચંદ્રના દક્ષિણ ધ્રુવ પર પહોંચનારો પ્રથમ દેશ બન્યો છે. હવે આગામી 14 દિવસ સુધી, લેન્ડર અને રોવર ચંદ્રના દક્ષિણ ધ્રુવ પર તેમની શોધખોળ શરૂ કરશે. અને તસવીરો લેશે તેમજ ડેટા મોકલશે.
આ સાથે જણાવી દઈએ કે ઈસરોના આ સફળ મિશન પર દેશ અને દુનિયાની તમામ મોટી હસ્તીઓ તેમને આ સફળતા માટે અભિનંદન આપી રહી છે.
આ સાથે નાસાએ પણ ઈસરોને આ સફળતા માટે અભિનંદન પાઠવ્યા છે. નાસાના પ્રશાસક બિલ નેલ્સને ટ્વિટ કર્યું કે ચંદ્રના દક્ષિણ ધ્રુવ પર ચંદ્રયાન-3ના સફળ ઉતરાણ માટે ISRO અને ભારતને અભિનંદન.
ચંદ્ર પર અવકાશયાનને સફળતાપૂર્વક સોફ્ટ-લેન્ડ કરનાર ભારત ચોથો દેશ બન્યો છે. અમે આ મિશનમાં તમારા ભાગીદાર બનીને ખૂબ જ ખુશ છીએ.
આ ઉપરાંત વિશ્વભરની અન્ય અવકાશ એજન્સીઓએ પણ આ સફળતા માટે ઈસરોને અભિનંદન પાઠવ્યા છે.