મુંબઈ શરૂઆતી કારોબારમાં અમેરિકી ડોલર સામે રૂપિયો 10 પૈસા સુધરીને 81.72 પર ખુલ્યો હતો. અન્ય વૈશ્વિક ચલણો સામે ડૉલરની નબળાઈ અને સ્થાનિક ઈક્વિટી બજારોમાં મજબૂત વલણે રૂપિયાને ટેકો આપ્યો હતો.
ફોરેક્સ ટ્રેડર્સના જણાવ્યા અનુસાર, વિદેશી સંસ્થાકીય રોકાણકારો દ્વારા મૂડી રોકાણ અને ક્રૂડ ઓઈલના ભાવ બેરલ દીઠ $80 ની નીચે આવતા પણ રૂપિયાને ટેકો મળ્યો છે. ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો 10 પૈસા સુધરીને 81.72 પર ખુલ્યો હતો.
શુક્રવારે અમેરિકી ચલણ સામે રૂપિયો 81.82 પર બંધ થયો હતો. સોમવારે મહારાષ્ટ્ર દિવસના કારણે વિદેશી હૂંડિયામણ બજાર અને શેરબજાર બંધ રહ્યા હતા.