મિશ્ર વૈશ્વિક સંકેતો વચ્ચે, ભારતીય બેન્ચમાર્ક સૂચકાંકો સપ્તાહના બીજા ટ્રેડિંગ દિવસે નજીવા વધારા સાથે ખુલ્યા હતા, પરંતુ પ્રોફિટ બુકિંગને કારણે લાલ નિશાનથી નીચે ગયા હતા. જો કે, ખરીદીના વળતરને કારણે, ઇન્ડેક્સ ફરીથી લીલા નિશાન પર પાછો ફર્યો. શરૂઆતના ટ્રેડિંગ દરમિયાન Ifsys, TCS અને HCL Techના શેરમાં ખરીદીથી બજાર મજબૂત બન્યું હતું.
સવારે 10:09 વાગ્યે, BSE સેન્સેક્સ 287.40 પોઈન્ટના વધારા સાથે 72,018.82 ના સ્તરે ટ્રેડ થતો જોવા મળ્યો હતો. બીજી તરફ, નિફ્ટી આ સમયગાળા દરમિયાન 82.55 પોઈન્ટના વધારા સાથે 21,854.25ના સ્તરે ટ્રેડ થતો જોવા મળ્યો હતો.
BSE સેન્સેક્સના 30 શેરોમાંથી પાવર ગ્રીડ, NTPC, JSW સ્ટીલ, રિલાયન્સ ઇન્ડસ્ટ્રીઝ અને એક્સિસ બેન્કના શેરો નુકસાન સાથે ખૂલ્યા હતા, જ્યારે HCL ટેક, ભારતી એરટેલ, TCS, અલ્ટ્રાટેક સિમેન્ટ અને મારુતિના શેર મંગળવારે ઉછાળા સાથે ખુલ્યા હતા.
વ્યક્તિગત શેરોની વાત કરીએ તો Jio ફાયનાન્સિયલ સર્વિસના શેરમાં 7%નો ઘટાડો થયો છે. સોમવારે, કંપનીએ સ્પષ્ટતા કરી હતી કે તે સંકટગ્રસ્ત વન 97 કોમ્યુનિકેશનને હસ્તગત કરવા માટે કોઈપણ વાટાઘાટોમાં સામેલ નથી. ત્રીજા ક્વાર્ટરના પરિણામો પછી BSE શેર 7% ના ઘટાડા સાથે ખુલ્યો. સેક્ટર મુજબ, મંગળવારે નિફ્ટી આઈટી 1.4% વધ્યો જ્યારે નિફ્ટી ઓટો 0.6% વધ્યો. તે જ સમયે, નિફ્ટી બેંક, ફાઇનાન્સિયલ સર્વિસ, મેટલ અને રિયલ્ટી સેક્ટરના શેર્સ ઘટાડા સાથે ખુલ્યા હતા.