ભારતીય શેરબજાર માટે મંગળવારનો દિવસ ઘણો સારો રહ્યો. બેંકિંગ શેરોની ખરીદીને કારણે બજારમાં જબરદસ્ત ઉછાળો જોવા મળ્યો હતો. આજના સત્રમાં બેન્કિંગ શેર્સનો ઈન્ડેક્સ નિફ્ટી બેન્ક 560 પોઈન્ટ ઉછળ્યો છે. જોકે, મિડકેપ અને સ્મોલકેપ શેરોમાં થોડી પ્રોફિટ-બુકિંગ જોવા મળી હતી.
આજના કારોબારના અંતે BSE સેન્સેક્સ 350 પોઈન્ટના ઉછાળા સાથે 73,057 પોઈન્ટ પર બંધ રહ્યો હતો. સેન્સેક્સ ફરી 73,000નો આંકડો પાર કરવામાં સફળ રહ્યો છે. જ્યારે નેશનલ સ્ટોક એક્સચેન્જનો નિફ્ટી 75 પોઈન્ટના ઉછાળા સાથે 22,196 પોઈન્ટ પર બંધ થયો હતો. નિફ્ટી ઓલ ટાઈમ હાઈ પર બંધ થયો છે.
સ્થાનિક બજારો કેવી રીતે ખુલ્યા?
સ્થાનિક બજારમાં BSE સેન્સેક્સ 19.71 પોઈન્ટ વધીને 72,727 પોઈન્ટ પર અને NSEનો 50 શેરનો ઈન્ડેક્સ નિફ્ટી 23 પોઈન્ટ ઘટીને 22,099 પોઈન્ટ પર ખુલ્યો હતો.
માર્કેટ પ્રી-ઓપનિંગ
પ્રી-ઓપનિંગમાં BSE સેન્સેક્સ 22.53 પોઈન્ટ વધીને 72,730 પર અને NSE નિફ્ટી 16.50 પોઈન્ટ ઘટીને 22105 પર ટ્રેડ કરી રહ્યો હતો.
આજે સ્ટોક એક્સચેન્જમાં વિભોર સ્ટીલ ટ્યુબનું લિસ્ટિંગ
વિભોર સ્ટીલ ટ્યુબ્સ લિમિટેડના શેર આજે સ્ટોક એક્સચેન્જમાં લિસ્ટ થશે. તેની પ્રારંભિક જાહેર ઓફર એટલે કે IPO 13 ફેબ્રુઆરીથી 15 ફેબ્રુઆરી સુધી ખુલ્લું હતું, જે 320.05 વખત સબસ્ક્રાઇબ થયું હતું. કંપનીએ IPO પ્રાઇસ બેન્ડ ₹141 થી ₹151 નક્કી કર્યું હતું.
શનિવાર 2 માર્ચે શેરબજાર ખુલ્યું
નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) એ શનિવાર, 2 માર્ચના રોજ વિશેષ ટ્રેડિંગ સત્રની જાહેરાત કરી છે. NSE અને BSE એ બુધવારે એક પરિપત્ર જારી કર્યો હતો કે 2 માર્ચે નિર્ધારિત સત્ર દરમિયાન ઇક્વિટી અને ઇક્વિટી ડેરિવેટિવ્ઝ સેગમેન્ટમાં ટ્રેડિંગને મંજૂરી આપવામાં આવશે. આ દિવસે ડિઝાસ્ટર રિકવરી સાઇટ (DR સાઇટ) પર ઇન્ટ્રાડે સ્વિચ થશે. આ DR સાઇટ સાયબર હુમલા જેવી પરિસ્થિતિઓમાં ડેટાને સુરક્ષિત રાખવા માટે કામ કરશે. આ સિવાય બિઝનેસ પણ વધુ સુરક્ષિત બનશે.