મુંબઈઃ ભારતીય ઇક્વિટીમાં ઊંચા મૂલ્યાંકન હોવા છતાં, એવું કહી શકાય કે સ્થાનિક મ્યુચ્યુઅલ ફંડ્સ ઇક્વિટી રોકાણમાં વધારો કરી રહ્યા છે. ચાલુ વર્ષના જાન્યુઆરી અને ફેબ્રુઆરીની સરખામણીમાં માર્ચમાં મ્યુચ્યુઅલ ફંડ પાસે રોકડની માત્રામાં ઘટાડો થયો છે.
ફંડ હાઉસ સાથેની રોકડ માર્ચમાં કુલ એસેટ અંડર મેનેજમેન્ટ (AUM)ના 4.70 ટકા હતી, જે ફેબ્રુઆરીમાં 4.82 ટકા હતી.
એસોસિયેશન ઓફ મ્યુચ્યુઅલ ફંડ્સ ઇન ઇન્ડિયા (એએમએફઆઇ)ના સૂત્રોએ જણાવ્યું હતું કે ઇક્વિટી આધારિત મ્યુચ્યુઅલ ફંડ્સની લિક્વિડિટી માર્ચના અંતે ઘટીને રૂ. 1.33 લાખ કરોડ થઈ હતી.
ડિસેમ્બર 2023 સુધીમાં કુલ AUMના 4.20 ટકા કેશ ઇન હેન્ડ હતી, જે જાન્યુઆરીમાં વધીને 4.36 ટકા અને ફેબ્રુઆરીમાં 4.82 ટકા થઈ હતી, પરંતુ માર્ચમાં ફરી ઘટાડો થયો હતો, જે ફંડ હાઉસ દ્વારા ઈક્વિટી રોકાણમાં વધારો દર્શાવે છે.
માર્ચમાં કાર્યરત 42 મ્યુચ્યુઅલ ફંડોમાંથી 26એ તેમની રોકડ ફાળવણીમાં વધારો કર્યો હતો જ્યારે 16એ માર્ચમાં તેમની રોકડ ફાળવણીમાં ઘટાડો કર્યો હતો.
ઇક્વિટી મ્યુચ્યુઅલ ફંડ કેટેગરીમાં ચોખ્ખો નાણાપ્રવાહ ફેબ્રુઆરીમાં રૂ. 26,865.78 કરોડથી માર્ચમાં 16 ટકા ઘટીને રૂ. 22,633.15 કરોડ થયો હતો.