આ દિવસોમાં અમેરિકામાં બરફના ભૂકંપે ભારે તબાહી મચાવી છે. અમેરિકાના પૂર્વોત્તર ભાગમાં સોમવારે આવેલા બરફના તોફાનના કારણે ઓછામાં ઓછા 30 લોકોના મોત થયા છે. વાવાઝોડાના અંતના તબક્કામાં દક્ષિણના ભાગોમાં વધુ બરફ અને થીજી ગયેલા વરસાદને કારણે સોમવારે લાખો લોકો વીજળી વિના રહ્યા હતા.
અરકાનસાસથી ન્યૂ ઈંગ્લેન્ડ સુધીના 2,100 કિલોમીટરના પટમાં એક ફૂટ કરતાં વધુ બરફના ઢગલા થતાં સોમવારે રોડ ટ્રાફિક ખોરવાઈ ગયો હતો, ફ્લાઈટ્સ રદ કરવામાં આવી હતી અને શાળાઓ બંધ થઈ ગઈ હતી. નેશનલ વેધર સર્વિસે જણાવ્યું હતું કે પિટ્સબર્ગની ઉત્તરે આવેલા વિસ્તારોમાં 20 ઇંચ જેટલો બરફ પડ્યો હતો અને તાપમાન માઇનસ 31 ડિગ્રી સેલ્સિયસ જેટલું ઓછું હતું. અધિકારીઓએ જણાવ્યું કે આ તોફાનના કારણે ઓછામાં ઓછા 25 લોકોના મોત થયા છે. Poweroutage.com અનુસાર, સોમવારે બપોર સુધી દેશમાં 7,50,000 થી વધુ સ્થળોએ પાવર ફેલ્યોર હતો.
દરમિયાન, મિસિસિપીના ભાગો રાજ્યના 1994 પછીના સૌથી ખરાબ બરફના તોફાન સામે લડી રહ્યા છે. મિસિસિપી યુનિવર્સિટીએ તેના ઓક્સફોર્ડ કેમ્પસમાં બરફને કારણે અઠવાડિયા માટે વર્ગો રદ કર્યા છે. ફ્લાઈટ ટ્રેકિંગ વેબસાઈટ ‘FlightAware.com’ના જણાવ્યા અનુસાર સોમવારે યુએસમાં 8,000થી વધુ ફ્લાઈટ્સ મોડી પડી અને રદ કરવામાં આવી. એવિએશન એનાલિટિક્સ કંપની સિરિયમ અનુસાર, રવિવારે યુએસની 45 ટકા ફ્લાઇટ્સ રદ કરવામાં આવી હતી. કોરોના વાયરસની મહામારી બાદ પ્રથમ વખત આટલી મોટી સંખ્યામાં ફ્લાઈટ્સ રદ કરવામાં આવી છે.
