અમેરિકામાં હૃદયદ્રાવક ઘટના, મિસિસિપી શહેરમાં ગોળીબારમાં છના મોત…

અમેરિકામાં એક હૃદયદ્રાવક ઘટના સામે આવી છે. અહીંના મિસિસિપી શહેરમાં થયેલા સામૂહિક ગોળીબારમાં છ લોકોના મોત થયા છે. ન્યૂયોર્ક પોસ્ટ અનુસાર, એક પાગલ વ્યક્તિએ અલગ-અલગ જગ્યાએ ગોળીઓ ચલાવીને આ ઘટનાને અંજામ આપ્યો હતો. ક્લે કાઉન્ટી શેરિફ એડી સ્કોટે ફેસબુક પર આ ઘટનાનું વર્ણન કર્યું. તેણે લખ્યું કે આપણા સમુદાયમાં એક દુ:ખદ ઘટના બની છે તે દુર્ભાગ્યપૂર્ણ છે. હિંસાને કારણે અનેક નિર્દોષ લોકોએ જીવ ગુમાવ્યા છે.
યુએસ પોલીસના જણાવ્યા અનુસાર, ઘટનાઓ વેસ્ટ પોઈન્ટમાં ત્રણ સ્થળોએ બની હતી. આ ઘટનામાં સંડોવાયેલા વ્યક્તિને પોલીસે કસ્ટડીમાં લીધો છે. મિસિસિપીના ઉત્તરપૂર્વમાં સ્થિત, ક્લે કાઉન્ટીની વસ્તી લગભગ 20,000 છે.
નોંધનીય છે કે ગયા વર્ષે ઓક્ટોબરમાં પણ મિસિસિપીમાં આવી જ કેટલીક ઘટનાઓ બની હતી. ઓકટોબરમાં થયેલ ગોળીબાર હાઈસ્કૂલ ફૂટબોલ રમતો સાથે સંબંધિત હોવાનું કહેવાય છે. મિસિસિપીના ઉત્તર-પશ્ચિમ શહેર લીમાં આવા જ એક હુમલામાં છ લોકો માર્યા ગયા હતા અને ઓછામાં ઓછા 12 અન્ય ઘાયલ થયા હતા.