નવી દિલ્હીઃ દિલ્હીમાં લાલ કિલ્લા મેટ્રો સ્ટેશન પાસે મોટો વિસ્ફોટ થયો છે. આ વિસ્ફોટ પાર્ક કરેલી કારમાં થયો હતો. આ પછી વિસ્તારમાં ભયનો માહોલ છે. વિસ્ફોટ બાદ કારમાં જોરદાર આગ ફાટી નીકળી હતી. મળતી માહિતી મુજબ અત્યાર સુધીમાં 8 લોકોના મોત થયા છે.
વિસ્ફોટ બાદ કારમાં જોરદાર આગ ફાટી નીકળી હતી. વધુ ત્રણ વાહનો પણ આગની લપેટમાં આવી ગયા હતા. બ્લાસ્ટની જે તસવીરો સામે આવી રહી છે તે ભયાનક છે. આ બ્લાસ્ટ મેટ્રો સ્ટેશનના ગેટ નંબર 1 પર થયો હતો. પોલીસ અને ફાયર બ્રિગેડના જવાનો ઘટનાસ્થળે પહોંચી ગયા છે.
વિસ્ફોટ બાદ આગ એટલી ઝડપથી ફેલાઈ હતી કે નજીકમાં પાર્ક કરાયેલી વધુ ત્રણ ગાડીઓ પણ બળીને ખાખ થઈ ગઈ હતી. કારમાં આગ લાગી હતી અને અન્ય ત્રણ વાહનોને પણ અસર થઈ હતી. બ્લાસ્ટ બાદ નજીકમાં પાર્ક કરાયેલા વાહનોના કાચ પણ તૂટી ગયા હતા. બ્લાસ્ટ થયો ત્યારે ત્યાં મોટી ભીડ હતી. 2-3 ઘાયલોને નજીકની હોસ્પિટલમાં દાખલ કરવામાં આવ્યા છે. વિસ્ફોટ કેવી રીતે થયો તે હજુ સ્પષ્ટ નથી.
ઘટનાની જાણ થતા જ ફાયર વિભાગની ટીમ ઘટના સ્થળે પહોંચી આગને કાબુમાં લીધી હતી. ફાયર વિભાગના અધિકારીઓએ જણાવ્યું કે બ્લાસ્ટના કારણની તપાસ કરવામાં આવી રહી છે. પોલીસે સમગ્ર વિસ્તારને ઘેરી લીધો છે અને ફોરેન્સિક ટીમ ઘટનાસ્થળે હાજર છે. નજીકના સીસીટીવી ફૂટેજની તપાસ કરવામાં આવી રહી છે.
આ બ્લાસ્ટ સુરક્ષા એજન્સીઓ માટે સારા સમાચાર નથી. લાલ કિલ્લા જેવા વિસ્તારમાં વિસ્ફોટ સામાન્ય નથી. આ વિસ્ફોટ એવા સમયે થયો છે જ્યારે આજે દિલ્હીને અડીને આવેલા ફરીદાબાદમાં 2900 કિલો એમોનિયમ નાઈટ્રેટ મળી આવ્યું હતું.
