એક નિવૃત્ત વૃદ્ધ વ્યક્તિએ બેંગલુરુની ઘણી સંસ્થાઓ પર તેની એકમાત્ર પુત્રીના મૃત્યુ પછી લાંચ લેવાનો આરોપ લગાવ્યો છે. તેમની આ પોસ્ટ સોશિયલ મીડિયા પર વાયરલ થઈ હતી. શિવકુમાર કે, ભારત પેટ્રોલિયમ કોર્પોરેશન લિમિટેડ (BPCL) ના ભૂતપૂર્વ મુખ્ય નાણાકીય અધિકારીએ જણાવ્યું હતું કે આ તેમની એકમાત્ર પુત્રી હતી. 18 સપ્ટેમ્બરના રોજ શિવકુમારની 34 વર્ષની પુત્રીનું બ્રેઈન હેમરેજથી મૃત્યુ થયું હતું.
તેણે Linkedin પર લખ્યું, ‘તાજેતરમાં મારી એકમાત્ર પુત્રી 34 વર્ષની વયે મૃત્યુ પામી હતી. FIR નોંધવા, એમ્બ્યુલન્સ, પોસ્ટમોર્ટમ રિપોર્ટ વગેરે માટે ખુલ્લેઆમ લાંચની માંગ કરવામાં આવી હતી, જે મેં આપી હતી. બેલાંદુર પોલીસ સ્ટેશનના ઇન્સ્પેક્ટર ખૂબ જ ઘમંડી હતા, તેમને પિતા પ્રત્યે કોઈ સહાનુભૂતિ ન હતી જેણે પોતાનું એકમાત્ર સંતાન ગુમાવ્યું હતું. તે ખૂબ જ દુઃખદ સ્થિતિ છે. મારી પાસે પૈસા હતા, મેં પૈસા આપ્યા. ગરીબ શું કરશે?”
અગાઉ અન્ય એક પોસ્ટમાં શિવકુમારે તેમની પુત્રી અક્ષયને શ્રદ્ધાંજલિ આપી હતી. તેણી આઈઆઈટી અને આઈઆઈએમમાંથી ભણેલી હતી અને ક્વિઝ, પેઈન્ટીંગ વગેરેની શોખીન હતી. તેણી તેના સોશિયલ મીડિયા હેન્ડલ્સ પર પણ ખૂબ સક્રિય હતી અને સતત પ્રશ્નોત્તરી શેર કરતી હતી. શિવકુમારે પોતાની પોસ્ટમાં જણાવ્યું હતું કે તેમની પુત્રી વહેલી નિવૃત્તિ લેવા માંગે છે અને પોતાનું જીવન અંધ લોકો માટે સમર્પિત કરવા માંગે છે.
તેમની પોસ્ટ વાઈરલ થયા બાદ બેંગલુરુ ચીફ કશ્મિનેરે પણ પ્રતિક્રિયા આપી હતી. મની કંટ્રોલ સાથે વાત કરતા મહેશ્વર રાવે કહ્યું કે અમે સહાનુભૂતિ ધરાવીએ છીએ અને એક સિસ્ટમ બનાવી છે જેથી ડેથ સર્ટિફિકેટ ઓનલાઈન જારી કરી શકાય. અમારું કોર્પોરેશન એ સુનિશ્ચિત કરવા માટે પ્રતિબદ્ધ છે કે દુઃખી લોકો સાથે ન્યાયી અને આદર સાથે વ્યવહાર કરવામાં આવે.
