બર્મિંગહામ. ઓલ ઈંગ્લેન્ડ ઓપન 2026ના પહેલા દિવસે ભારતનો સ્ટાર શટલર લક્ષ્ય સેન કલ્પિત પ્રદર્શન દરમિયાન મોટી ઉથલપાથલ થઈ હતી. બર્મિંગહામમાં રમાઈ રહેલી આ પ્રતિષ્ઠિત બેડમિન્ટન ટુર્નામેન્ટના પહેલા જ રાઉન્ડમાં લક્ષ્યે વર્તમાન ચેમ્પિયન ચીનના શી યુકીને હરાવીને બહાર કરી દીધા હતા.
24 વર્ષીય લક્ષ્ય સેને 1 કલાક 18 મિનિટમાં 23-21, 19-21, 21-17થી મેચ જીતી હતી. પ્રથમ ગેમમાં લક્ષ્યે આક્રમક રમત રમી હતી અને 17-10ની સરસાઈ મેળવી હતી. જો કે શી યુકીએ પુનરાગમન કરીને સ્કોર 18-17 બનાવ્યો હતો, પરંતુ લક્ષ્યે ધીરજ રાખી અને પ્રથમ ગેમ જીતી લીધી.
ચીનના ખેલાડીએ બીજી ગેમમાં જોરદાર વાપસી કરી હતી. લક્ષ્ય 13-19થી પાછળ હતો અને તેણે પુનરાગમન કરવાનો ઘણો પ્રયાસ કર્યો હતો, પરંતુ તે ગેમ 19-21થી હારી ગયો હતો. નિર્ણાયક ત્રીજી ગેમમાં, લક્ષ્યે નેટ પર ઉત્તમ નિયંત્રણ બતાવ્યું અને ઝડપી રેલીઓમાં સરસાઈ મેળવી. તેણે 16-11ની સરસાઈ મેળવી અને ચાર મેચ પોઈન્ટ મેળવ્યા. શી યુકીએ મેચ પોઈન્ટ બચાવ્યો, પરંતુ અંતે તેનો શોટ બહાર ગયો અને લક્ષ્ય મેચ જીતી ગયો.
ભારતીય જોડી ધ્રુવ કપિલા અને તનિષા ક્રાસ્ટોએ પણ મિક્સ ડબલ્સમાં સારું પ્રદર્શન કર્યું હતું. તે મલેશિયા જોડી પેંગ રોન અને ચેંગ સુ યિનને 21-17, 21-19થી હરાવી બીજા રાઉન્ડમાં પ્રવેશ કર્યો. જ્યારે મહિલા સિંગલ્સમાં માલવિકા બંસોડને ત્રીજી ક્રમાંકિત ચીની ખેલાડી ચેન યુ ફેઈ સામે 21-11, 21-6થી હારનો સામનો કરવો પડ્યો હતો. સિંધુની ગેરહાજરીમાં માલવિકા પાસેથી મજબૂત પ્રદર્શનની અપેક્ષા હતી. જોકે, તે સારું પ્રદર્શન કરવામાં નિષ્ફળ રહી હતી.
ભારતીય સ્ટાર પીવી સિંધુ આ ટુર્નામેન્ટમાં ભાગ લઈ શકી નથી. મિડલ ઈસ્ટ કટોકટીના કારણે તે દુબઈમાં અટવાઈ ગઈ હતી, જેના કારણે તે બર્મિંગહામ પહોંચી શકી નહોતી. પ્રથમ દિવસનું સૌથી મોટું આકર્ષણ લક્ષ્ય સેનની ઐતિહાસિક જીત હતી, જેણે પોતાની રમતથી દરેકના દિલ જીતી લીધા હતા.
