કર્ણાટકના બેંગલુરુમાં 17 ઓક્ટોબર 1970ના રોજ જન્મેલા અનિલ કુંબલેએ ભારતની અંડર-19 ટીમ માટે રમતી વખતે 1989માં પાકિસ્તાન સામે સદી ફટકારી હતી. પ્રથમ ટેસ્ટ મેચમાં તેણે 113 રનની ઇનિંગ રમી હતી જ્યારે બીજી ટેસ્ટ મેચમાં તેણે 76 રન બનાવ્યા હતા. જોકે ટીમ ઈન્ડિયામાં તેની એન્ટ્રી સ્પિનર તરીકે થઈ હતી. તેણે વર્ષ 1990માં શ્રીલંકા સામે આંતરરાષ્ટ્રીય ક્રિકેટમાં ડેબ્યૂ કર્યું હતું.આ પછી તેણે પાછળ વળીને જોયું નથી અને ઘણા રેકોર્ડ પોતાના નામે કર્યા. 2002માં, તૂટેલા જડબા છતાં, કુંબલેએ વેસ્ટ ઈન્ડિઝ સામે શાનદાર બોલિંગ કરી હતી.
અનિલ કુંબલેએ લગભગ દરેક ભારતીય રેકોર્ડ પોતાના નામે કર્યા છે. વર્ષ 1999માં તેણે દિલ્હીમાં પાકિસ્તાન સામેની એક ઇનિંગમાં તમામ દસ વિકેટ લીધી હતી. ડિસેમ્બર 2001માં, તે બેંગ્લોરમાં તેના હોમ ગ્રાઉન્ડ પર 300 ટેસ્ટ વિકેટ લેનાર ભારતનો પ્રથમ સ્પિનર બન્યો. લગભગ એક વર્ષ પછી, તે ODI મેચોમાં આવું કરનાર પ્રથમ ખેલાડી બન્યો.
અનિલ કુંબલેએ ટીમ ઈન્ડિયા માટે 132 ટેસ્ટ મેચ રમી છે. તેણે પોતાની 236 ઇનિંગ્સમાં 619 વિકેટ લીધી છે. આ સિવાય 1 સદી અને 5 અડધી સદીની મદદથી 2506 રન બનાવ્યા છે. કુંબલેએ 271 વનડે મેચ રમી છે. આમાં તેણે 337 વિકેટ લીધી છે. આ સિવાય તેના બેટમાંથી 938 રન આવ્યા છે. અનિલ કુંબલેએ પોતાની કારકિર્દીમાં 1700થી વધુ વિકેટ લીધી છે. આ સિવાય તે ટેસ્ટ ક્રિકેટમાં સૌથી વધુ વિકેટ લેવાના મામલે વિશ્વનો ચોથો અને ભારતમાં પ્રથમ બોલર છે.
