ભારતીય ટીમના સ્ટાર સ્પિનર વરુણ ચક્રવર્તીએ રવિવારે દક્ષિણ આફ્રિકા સામેની મેચ દરમિયાન T20 ઈન્ટરનેશનલમાં 50 વિકેટ પૂરી કરી હતી. વરુણ ચક્રવર્તીએ ધર્મશાલામાં ડોનોવન ફરેરાને આઉટ કરીને આ સિદ્ધિ મેળવી હતી. વરુણ ચક્રવર્તી ભારત અને દક્ષિણ આફ્રિકા વચ્ચેની પાંચ મેચની T20 શ્રેણીમાં સૌથી વધુ વિકેટ લેનાર બોલર બની ગયો છે. આ સાથે તે T20 ઈન્ટરનેશનલમાં સૌથી ઓછી મેચોમાં 50 વિકેટ પૂરી કરનાર ભારતનો બીજો બોલર બની ગયો છે. તેણે અર્શદીપ સિંહ, રવિ બિશ્નોઈ, યુઝવેન્દ્ર ચહલ અને જસપ્રિત બુમરાહ જેવા બોલરોને પાછળ છોડી દીધા.
T20 ઈન્ટરનેશનલમાં સૌથી ઓછી મેચોમાં 50 વિકેટ લેવાનો ભારતનો રેકોર્ડ કુલદીપ યાદવના નામે છે. કુલદીપે માત્ર 30 મેચમાં આ સિદ્ધિ મેળવી હતી. મિસ્ટ્રી સ્પિનર વરુણ ચક્રવર્તીએ 32 મેચમાં આ માઈલસ્ટોન હાંસલ કર્યો હતો. અર્શદીપ સિંહે 33 મેચમાં 50 T20 આંતરરાષ્ટ્રીય વિકેટ લીધી હતી. રવિ બિશ્નોઈએ 33 મેચમાં આ સિદ્ધિ મેળવી હતી, યુઝવેન્દ્ર ચહલે 34 મેચમાં આ સિદ્ધિ મેળવી હતી. ભારતીય ઝડપી બોલર જસપ્રીત બુમરાહે 41 મેચમાં આ કારનામું કર્યું હતું.
સ્પિનરોની વાત કરીએ તો અંજતા મેન્ડિસે સૌથી ઓછા બોલમાં 50 T20 ઈન્ટરનેશનલ વિકેટ લેવાનું કારનામું કર્યું હતું. તેણે 600 બોલમાં 50 વિકેટ ઝડપી હતી. ભારતના સ્ટાર સ્પિનર કુલદીપ યાદવે 638 બોલમાં, વાનિન્દુ હસરંગાએ 660 બોલમાં, વરુણ ચક્રવર્તીએ 672માં, ઈમરાન તાહિરે 681માં અને રાશિદ ખાને 685 બોલમાં આ સિદ્ધિ મેળવી છે.
ભારત માટે સૌથી ઓછી મેચોમાં 50 T20 આંતરરાષ્ટ્રીય વિકેટ
30-કુલદીપ યાદવ
32 – વરુણ ચક્રવર્તી*
