ક્રિકેટ ઓસ્ટ્રેલિયાના જણાવ્યા અનુસાર એશિઝ સિરીઝ શરૂ થવામાં એક મહિનાથી પણ ઓછો સમય બાકી છે. અને, કમિન્સ હજુ પણ તેની પીઠની ઈજામાંથી સાજો થઈ રહ્યો છે. તેને બોલિંગ શરૂ કરવામાં ઓછામાં ઓછા 4 અઠવાડિયાનો સમય લાગશે. ક્રિકેટ ઓસ્ટ્રેલિયાના આ નિવેદન બાદ સ્પષ્ટ થઈ ગયું છે કે કમિન્સ એશિઝ શ્રેણીની પ્રથમ ટેસ્ટનો ભાગ નહીં હોય.
એશિઝ સિરીઝ 21 નવેમ્બરથી શરૂ થઈ રહી છે, જેની પ્રથમ ટેસ્ટ ઓસ્ટ્રેલિયા અને ઈંગ્લેન્ડ વચ્ચે પર્થમાં રમાશે. હવે, કમિન્સને બોલિંગ શરૂ કરવામાં ઓછામાં ઓછા 4 અઠવાડિયા લાગશે, તેથી કમિન્સ એશિઝની બીજી ટેસ્ટમાં પુનરાગમન કરે તેવી અપેક્ષા છે. એશિઝની બીજી ટેસ્ટ 4 ડિસેમ્બરથી બ્રિસ્બેનમાં રમાશે.
પેટ કમિન્સની બાદબાકી બાદ સ્ટીવ સ્મિથ ઈંગ્લેન્ડ સામેની પ્રથમ એશિઝ ટેસ્ટમાં કેપ્ટન રહેશે. તે જ સમયે, સ્કોટ બોલેન્ડ ઓસ્ટ્રેલિયન પ્લેઈંગ ઈલેવનમાં કમિન્સનું સ્થાન લેતો જોઈ શકાય છે, જેની બોલ સાથે ઘરેલું ટેસ્ટમાં સરેરાશ 12.63 રહી છે.
