AUS vs IRE હાઇલાઇટ્સ: ઓસ્ટ્રેલિયાએ T20 વર્લ્ડ કપ 2026માં વિજયી શરૂઆત કરી છે. ગ્રુપ Bની મેચમાં ઓસ્ટ્રેલિયાએ આયર્લેન્ડને 67 રનથી હરાવ્યું. કોલંબોના આર પ્રેમદાસા સ્ટેડિયમમાં રમાયેલી મેચમાં ઓસ્ટ્રેલિયાએ ટોસ જીતીને બેટિંગ કરવાનું પસંદ કર્યું અને 20 ઓવરમાં છ વિકેટે 182 રન બનાવ્યા. ઓલરાઉન્ડર માર્કસ સ્ટોઇનિસે સૌથી વધુ 45 રનની ઇનિંગ રમી હતી. સ્ટોઈનિસ ઉપરાંત મેટ રેનશો અને જોશ ઈંગ્લિસે 37-37 રન બનાવ્યા હતા. જ્યારે મોટા ટાર્ગેટનો પીછો કરવા ઉતરેલી આયર્લેન્ડની ટીમ 16.5 ઓવરમાં 115 રનમાં સમેટાઈ ગઈ હતી. આયર્લેન્ડ તરફથી જ્યોર્જ ડોકરેલે 41 રન બનાવ્યા હતા. લોર્કન ટકરે 24 રનનું યોગદાન આપ્યું હતું જ્યારે રોસ એડેર અને માર્ક એડેરે 12-12 રનનું યોગદાન આપ્યું હતું. ઓસ્ટ્રેલિયા તરફથી એડમ ઝમ્પા અને નાથન એલિસે ચાર-ચાર વિકેટ લીધી હતી. આયર્લેન્ડનો કેપ્ટન પોલ સ્ટર્લિંગ પ્રથમ ઓવરમાં 1 રન બનાવ્યા બાદ રિટાયર્ડ હર્ટ થયો હતો. ઓસ્ટ્રેલિયા અત્યાર સુધીમાં એક વખત T20 વર્લ્ડ કપ જીતી ચૂક્યું છે. કાંગારૂ ટીમે વર્ષ 2022માં આ ટૂર્નામેન્ટ જીતી હતી. 2024માં ઓસ્ટ્રેલિયા સેમિફાઈનલમાં ભારત સામે હારી ગયું હતું.
IRE 115/10 (16.5 ઓવર)
AUS 182/6 (20 ઓવર)
AUS વિ IRE લાઇવ ક્રિકેટ સ્કોર: ઓસ્ટ્રેલિયાએ આયર્લેન્ડને 67 રનથી હરાવ્યું છે. આયર્લેન્ડ તરફથી આઉટ થનાર છેલ્લો ખેલાડી બેરી મેકકાર્થી હતો. તેણે ચાર બોલમાં બે રન બનાવ્યા હતા.
AUS vs IRE લાઇવ ક્રિકેટ સ્કોર: આયર્લેન્ડની અડધી ટીમ 43 રનમાં આઉટ થઈ ગઈ છે. સ્પિનર એડમ ઝમ્પાએ સાતમી ઓવરમાં ગેરેથ ડેલાનીને આઉટ કર્યો હતો. ડેલાનીએ 12 બોલમાં 11 રન બનાવ્યા હતા. તેણે એક ફોર અને એક સિક્સર ફટકારી હતી. ઝમ્પાએ 14મી ઓવરમાં લોર્કન ટકરને પેવેલિયન મોકલ્યો હતો. ટકરે 27 બોલમાં એક ચોગ્ગા અને એક છગ્ગાની મદદથી 24 રનની ઇનિંગ રમી હતી.
AUS vs IRE લાઇવ ક્રિકેટ સ્કોર: લક્ષ્યનો પીછો કરતા આયર્લેન્ડની શરૂઆત ખરાબ રહી હતી. આયર્લેન્ડે માત્ર 17 રન ઉમેર્યા બાદ ત્રણ વિકેટ ગુમાવી દીધી છે. રોસ એડેરે 6 રન અને કુર્ટિસ કેમ્ફરે 4 રન બનાવ્યા હતા જ્યારે હેરી ટેક્ટર અને અન્ય અણનમ રહ્યા હતા. કેપ્ટન પોલ સ્ટર્લિંગ પ્રથમ ઓવરમાં જ રિટાયર્ડ હર્ટ થયો હતો. નાથન એલિસે પાંચમી ઓવરમાં બેન્જામિન કેલિટ્ઝ (4)ને આઉટ કર્યો હતો.
AUS vs IRE લાઇવ ક્રિકેટ સ્કોર: ઓસ્ટ્રેલિયાએ આયર્લેન્ડને 183 રનનો ટાર્ગેટ આપ્યો છે. કૂપર કોનોલી અને ઝેવિયર બાર્ટલેટ 11-11 રન બનાવીને અણનમ રહ્યા હતા.
