એક સમય હતો જ્યારે બ્રેટ લી, ગ્લેન મેકગ્રા, શેન વોર્ન અને જેસન ગિલેસ્પીના બોલિંગ આક્રમણ વિશ્વ ક્રિકેટ પર રાજ કરતા હતા, ત્યારે આ બોલિંગ આક્રમણ સામે મોટા મોટા બેટ્સમેનોના પગ ધ્રૂજતા હતા. પરંતુ હવે બ્રેટ લીએ પોતે કહ્યું છે કે ઓસ્ટ્રેલિયા પાસે તેના બોલિંગ આક્રમણ કરતા પણ વધુ ખતરનાક બોલિંગ એટેક છે. તે છે મિશેલ સ્ટાર્ક, જોશ હેઝલવુડ અને પેટ કમિન્સના નેતૃત્વમાં નાથન લિયોનનું બોલિંગ આક્રમણ. બ્રેટ લીએ ઓસ્ટ્રેલિયાના વર્તમાન બોલિંગ આક્રમણને તેમના દેશનું અત્યાર સુધીનું સૌથી મહાન ગણાવ્યું છે અને કહ્યું છે કે પેટ કમિન્સની ટીમે 2000ના દાયકાની શરૂઆતની તેમની ટીમને પાછળ છોડી દીધી છે.
પેટ કમિન્સ, મિશેલ સ્ટાર્ક, નાથન લિયોન અને જોશ હેઝલવુડે અત્યાર સુધીમાં કુલ 389 ટેસ્ટ રમી છે, જેમાં 1,586 વિકેટ લીધી છે.
આ ચારમાંથી ત્રણ બોલરોએ 300 વિકેટનો માઈલસ્ટોન પાર કરી લીધો છે, જ્યારે હેઝલવુડ 295 રન પર છે અને ઈજામાંથી પરત ફર્યા બાદ નિઃશંકપણે આ ક્લબમાં પોતાનું સ્થાન મેળવશે.
કમિન્સ, સ્ટાર્ક, હેઝલવુડ અને લિયોને મળીને ઓસ્ટ્રેલિયા માટે અત્યાર સુધીમાં 35 ટેસ્ટ રમી છે, જેમાં ઓસ્ટ્રેલિયાએ 22 જીતી છે, નવમાં હાર અને ચાર ડ્રો કરી છે. પ્લેઈંગ ઈલેવનમાં સાથે રહીને ચારેય ખેલાડીઓએ 567 વિકેટ ઝડપી છે જે એક રેકોર્ડ છે.
ગ્લેન મેકગ્રા, શેન વોર્ન, જેસન ગિલેસ્પી અને લી, જેમણે 2000 ના દાયકામાં વિનાશ સર્જ્યો હતો, કુલ 1842 વિકેટ લીધી હતી. ચારેય મળીને 16 ટેસ્ટ રમ્યા જેમાં ઓસ્ટ્રેલિયાએ 10માં જીત મેળવી હતી.
