દુબઈમાં આયોજિત અંડર-19 એશિયા કપ 2025ની ફાઈનલ મેચમાં પાકિસ્તાને ભારત સામે જીત નોંધાવી હતી, પરંતુ પાકિસ્તાન ક્રિકેટ બોર્ડ (PCB) અને એશિયન ક્રિકેટ કાઉન્સિલ (ACC)ના અધ્યક્ષ મોહસિન નકવીનું ખૂબ જ અપમાન થયું હતું. મેચ પુરી થયા બાદ ભારતીય ખેલાડીઓએ નકવી પાસેથી મેડલ લેવાનો ઈન્કાર કરી દીધો હતો. આ પહેલા ભારતના વરિષ્ઠ ખેલાડીઓએ મોહસીન નકવી દ્વારા જીતેલી એશિયા કપ ટ્રોફી સ્વીકારવાનો ઈન્કાર કરી દીધો હતો.
આ વખતે અંડર-19 એશિયા કપ 2025ની ફાઈનલ મેચ ભારત અને પાકિસ્તાન વચ્ચે રમાઈ હતી, જેમાં ટીમ ઈન્ડિયાને 191 રનના મોટા અંતરથી હારનો સામનો કરવો પડ્યો હતો. પાકિસ્તાન ફાઇનલમાં જીત્યા બાદ મોહસીન નકવીએ પોતાના હાથે વિજેતા ટીમ પાકિસ્તાનને ટ્રોફી આપી હતી. આ દરમિયાન નકવી પણ ભારતને મેડલ આપવા માંગતા હતા પરંતુ ખેલાડીઓએ ના પાડી દીધી હતી.
ભારતીય ખેલાડીઓએ ICC અધિકારીઓ પાસેથી મેડલ મેળવ્યા હતા
જ્યારે ભારતીય ખેલાડીઓએ નકવી પાસેથી મેડલ લેવાનો ઇનકાર કર્યો ત્યારે તેણે અંડર-19 એશિયા કપની ટ્રોફી પાકિસ્તાનની ટીમને આપી અને પછી ચેમ્પિયન ટીમ સાથે ફોટોગ્રાફ્સ માટે પોઝ પણ આપ્યો. નકવીએ આ ટ્રોફી પાકિસ્તાનના કેપ્ટન ફરહાન યુસુફને આપી હતી. જ્યારે ભારતીય ખેલાડીઓએ નકવીના હાથને બદલે ICC અધિકારીના હાથમાંથી મેડલ લીધો હતો.
આ પહેલા ભારતે સિનિયર ટીમ એશિયા કપ 2025ની ફાઇનલમાં પાકિસ્તાનને હરાવીને ટાઈટલ જીત્યું હતું.પરંતુ, તે સમયે પણ વિવાદ ઉભો થયો હતો જ્યારે મોહસીન નકવી ભારતીય ટીમને પોતાના હાથે ટ્રોફી આપવા માંગતા હતા. પરંતુ ભારતીય ટીમે તેનો ઇનકાર કરી દીધો અને ટ્રોફી વગર જ ઉજવણી કરી. આ પછી નકવી ટ્રોફી પોતાની સાથે લઈ ગયા અને હાલમાં ભારતને આ ટ્રોફી મળી નથી.
