ભારતીય ટીમનો સ્ટાર બેટ્સમેન વિરાટ કોહલી વિજય હજારે ટ્રોફીમાં ભાગ લેવા માટે જોરશોરથી તૈયારી કરી રહ્યો છે. વિરાટ કોહલીએ તાજેતરમાં સાઉથ આફ્રિકા સામેની વનડે સિરીઝ દરમિયાન પોતાના બેટથી ઘણા રન બનાવ્યા હતા. તેણે સતત મેચોમાં સદીની ઇનિંગ્સ રમી હતી અને ટીમને જીત અપાવવામાં મહત્વની ભૂમિકા ભજવી હતી. તેણે આ વર્ષે ભારતીય ટીમ માટે સૌથી વધુ રન તો બનાવ્યા જ, પરંતુ ઘણી મહત્વની સિદ્ધિઓ પણ હાંસલ કરી. ભારતીય ટીમના પૂર્વ કેપ્ટન વિરાટ કોહલી આફ્રિકા સામેની વનડે શ્રેણીમાં ભાગ લીધા બાદ પરિવારને મળવા લંડન પરત ફર્યા હતા, પરંતુ ફરી એકવાર તે ભારત પરત ફર્યો છે અને વિજય હજારેની તૈયારી કરી રહ્યો છે. પ્રેક્ટિસ સેશન દરમિયાન તેનો એક વીડિયો વાયરલ થઈ રહ્યો છે, જેમાં તે એક યુવા ક્રિકેટરને ઓટોગ્રાફ આપી રહ્યો છે.
અલીબાગમાં એક ટ્રેનિંગ સેશન દરમિયાન કોહલીએ નેટ બોલરને એક ખાસ ગિફ્ટ આપી હતી, જેને તે ક્યારેય ભૂલી શકશે નહીં. પ્રેક્ટિસ સેશન સમાપ્ત થયા પછી, વિરાટ કોહલીએ તેની સાથે હાજર રહેલા ઝારખંડના ઉભરતા ઝડપી બોલર ઋત્વિક પાઠકના આઇફોન પર પોતાનો ઓટોગ્રાફ આપ્યો. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. કોહલી હાલમાં અલીબાગમાં તેની ફિટનેસ અને ટેકનિક પર કામ કરવા માટે ટ્રેનિંગ કરી રહ્યો છે. આ દરમિયાન તેણે સ્થાનિક નેટ બોલરોની મદદ લીધી હતી.
ભારતના ટેસ્ટ વાઇસ-કેપ્ટન રિષભ પંતને 24 ડિસેમ્બરથી શરૂ થનારી વિજય હજારે ટ્રોફી માટે દિલ્હી ટીમના કેપ્ટન તરીકે નિયુક્ત કરવામાં આવ્યા છે જ્યારે અનુભવી વિરાટ કોહલી પણ આગામી રાષ્ટ્રીય વનડે ચેમ્પિયનશિપમાં બે મેચ માટે ઉપલબ્ધ રહેશે. પંત અને કોહલી ઉપરાંત ઝડપી બોલર હર્ષિત રાણા, અનુભવી ઈશાંત શર્મા અને નવદીપ સૈનીએ પણ ટૂર્નામેન્ટમાં રમવાની ઈચ્છા વ્યક્ત કરી છે.
યમિત ટીમઃ આયુષ બદોની (વાઈસ કેપ્ટન), અર્પિત રાણા, યશ ધુલ, સાર્થક રંજન, પ્રિયાંશ આર્ય, તેજસ્વી સિંહ દહિયા, નીતિશ રાણા, ઋત્વિક શૌકીન, હર્ષ ત્યાગી, સિમરજીત સિંહ, પ્રિન્સ યાદવ, દિવિજ મહેરા, આયુષ દોસેજા, વૈભવ કંડેપ, અંનવી, રાવકેત.
