તમિલનાડુની એક અદાલતે છ લોકોને દોષિત ઠેરવ્યા છે અને દલિત સમુદાયની એક મહિલાને સરકારી શાળામાં બાળકો માટે ભોજન રાંધવાથી રોકવા બદલ બે વર્ષની જેલની સજા ફટકારી છે. આ મામલો વર્ષ 2018નો છે. અનુસૂચિત જાતિ/અનુસૂચિત જનજાતિ અધિનિયમ હેઠળના કેસોની સુનાવણી કરતી વિશેષ અદાલતે પી પલાનીસામી ગાઉન્ડર, એન શક્તિવેલ, આર શન્મુગમ, સી વેલિંગિરી, એ દુરાઈસામી અને વી સીતા લક્ષ્મીને જાતિ ભેદભાવ અને અન્ય ગુનાઓ માટે સજા ફટકારી હતી.
ફરિયાદ મુજબ, જીલ્લાના થિરુમલાઈ ગાઉન્ડમપલયમ ખાતે સરકારી ઉચ્ચતર માધ્યમિક શાળામાં રસોઈયા પી પપ્પલ (44)ને છ લોકોના હાથે ભેદભાવનો સામનો કરવો પડ્યો હતો. તમામ છ લોકો બાળકોના વાલી છે. દલિત મહિલાએ શાળાના બાળકો માટે ભોજન રાંધવા સામે વાલીઓએ વાંધો ઉઠાવ્યો હતો.
તમિલનાડુ અસ્પૃશ્યતા નાબૂદી મોરચાના સભ્યોએ દલિત મહિલા રસોઈયા સાથેના ભેદભાવ અને તેના પછીના સ્થાનાંતરણ સામે વિરોધ કર્યો. પી પપ્પલે ફરિયાદ નોંધાવી હતી. ચેયુર પોલીસે SC/ST એક્ટ હેઠળ 35 લોકો સામે કેસ નોંધ્યો હતો. આમાંથી આઠ લોકોની ધરપકડ કરવામાં આવી હતી.
સુનાવણી દરમિયાન જ્યુડિશિયલ મેજિસ્ટ્રેટ એમ સુરેશે જણાવ્યું હતું કે છ લોકોને દોષિત ઠેરવતા દરેક પર 5,000 રૂપિયાનો દંડ ફટકારવામાં આવ્યો છે. જ્યારે પુરાવાના અભાવે 25 લોકોને નિર્દોષ જાહેર કરવામાં આવ્યા છે. સુનાવણી દરમિયાન જ ચાર લોકોના મોત થયા હતા.
