ભારતીય ઓલરાઉન્ડર દીપ્તિ શર્માએ શ્રીલંકા સામેની પાંચ મેચની T20 આંતરરાષ્ટ્રીય શ્રેણીની છેલ્લી મેચમાં જોરદાર બોલિંગ કરી હતી. આ મેચમાં દીપ્તિ શર્માએ એક વિકેટ લીધી હતી, પરંતુ આ એક વિકેટ સાથે તેના નામે વર્લ્ડ રેકોર્ડ નોંધાયો હતો. દીપ્તિ શર્મા મહિલા T20 આંતરરાષ્ટ્રીય ક્રિકેટમાં સૌથી વધુ વિકેટ લેનારી બોલર બની ગઈ છે. આ મામલે તેણે ઓસ્ટ્રેલિયાની દિગ્ગજ બોલર મેગન શટને પાછળ છોડી દીધી છે.
દીપ્તિ શર્માએ મંગળવારે 30 ડિસેમ્બરે મહિલા T20 આંતરરાષ્ટ્રીય ક્રિકેટની 152મી વિકેટ મેળવી હતી. તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં શ્રીલંકા સામે રમાયેલી મેચમાં દીપ્તિ શર્માએ 4 ઓવરમાં 28 રન આપ્યા અને એક વિકેટ લીધી. આ એક વિકેટ સાથે દીપ્તિ શર્માએ ઓસ્ટ્રેલિયાની મેગન શટને પાછળ છોડી દીધી, જેણે T20 આંતરરાષ્ટ્રીય ક્રિકેટમાં 151 વિકેટ લેવાનો વર્લ્ડ રેકોર્ડ બનાવ્યો હતો.
અત્યાર સુધી આ રેકોર્ડમાં બંને બરાબર હતા, પરંતુ દીપ્તિ શર્મા હવે આગળ નીકળી ગઈ છે. પાકિસ્તાનની નિદા દાર આ યાદીમાં ત્રીજા સ્થાને છે, પરંતુ તેણે અત્યાર સુધી માત્ર 144 વિકેટ લીધી છે. રવાન્ડાની હેનરિયેટ ઈશિમવેએ પણ મહિલા ટી20 ઈન્ટરનેશનલ ક્રિકેટમાં 144 વિકેટ ઝડપી છે. ઇંગ્લેન્ડની સોફી એક્લેસ્ટોને આ ફોર્મેટમાં 142 વિકેટ લીધી છે. આ યાદીમાં તે પાંચમા સ્થાને છે.
મહિલા ટી20માં સૌથી વધુ વિકેટ
152 – દીપ્તિ શર્મા (IND-W)*
151 – મેઘન શટ (AUS-W)
