આદિત્ય ધર દ્વારા નિર્દેશિત ધુરંધર આ વર્ષની સૌથી મોટી ફિલ્મ બનીને ઉભરી રહી છે. દર્શકોના મનોરંજનની સાથે સાથે તે બોક્સ ઓફિસ પર પણ સારો દેખાવ કરી રહી છે. પાકિસ્તાનની રાજનીતિ અને જાસૂસી પર આધારિત આ ફિલ્મને ઓલ ટાઈમ બેસ્ટ 10 ફિલ્મોમાં સામેલ કરવામાં આવી છે. આ સિવાય ફિલ્મે તેના ત્રીજા વીકએન્ડ પર એવો ધમાકો કર્યો છે જે આજ સુધી બીજી કોઈ ફિલ્મ કરી શકી નથી. પરંતુ આજે તેના 18મા દિવસે એટલે કે ત્રીજા સોમવારે ફિલ્મની ગતિ થંભી ગઈ છે.
અત્યાર સુધીની સૌથી ઓછી કમાણી
ધુરંધરની બોક્સ ઓફિસની વાત કરીએ તો તેણે પહેલા અઠવાડિયામાં 207 કરોડ રૂપિયા અને બીજા અઠવાડિયામાં 254 કરોડ રૂપિયાની કમાણી કરી છે. ફલમે ત્રીજા શનિવારે 34 કરોડ અને રવિવારે 38 કરોડથી વધુની કમાણી કરી હતી. ત્રીજા વીકએન્ડ પર અત્યાર સુધીની કોઈપણ ફિલ્મનું આ સૌથી મોટું કલેક્શન હતું. પરંતુ સોમવારે ફિલ્મની કમાણી સૌથી ઓછી થઈ ગઈ છે. અત્યાર સુધી ધુરંધર અઠવાડિયાના દિવસોમાં પણ સારી કમાણી કરતો હતો. પરંતુ આ પહેલો દિવસ છે જ્યારે સમાચાર લખાય છે ત્યાં સુધી ફિલ્મે માત્ર 12 કરોડ રૂપિયાની કમાણી કરી છે. ધુરંધરની કુલ કમાણી 567.86 કરોડ રૂપિયા પર પહોંચી ગઈ છે. ક્રિસમસ વીકએન્ડથી ફિલ્મને ઘણો ફાયદો થવાનો છે. આવી સ્થિતિમાં આ કલેક્શન 600 કરોડને પાર કરી જશે.
સ્ટારકાસ્ટનું પ્રદર્શન
રણવીર સિંહ સ્ટારર આ ફિલ્મ પાકિસ્તાનની રાજનીતિ અને જાસૂસ હમઝાની વાર્તા દર્શાવે છે. આ ફિલ્મમાં નેગેટિવ રોલમાં જોવા મળેલો અક્ષય ખન્ના તેના કેરેક્ટર રહેમાન ડાકુથી ફેમસ થયો છે. આ સિવાય રાકેશ બેદી, ગૌરવ ગેરા, સંજય દત્તનું કામ દર્શકોને પસંદ આવી રહ્યું છે. અર્જુન રામપાલ અને સારા અર્જુનનો અભિનય પણ શાનદાર રહ્યો હતો.
