ઈંગ્લેન્ડ અને ઓસ્ટ્રેલિયા વચ્ચે એશિઝ શ્રેણીની બીજી ટેસ્ટ રમાઈ રહી છે. મેચના બીજા દિવસે શુક્રવારે ઈંગ્લેન્ડની ટીમ તેની પ્રથમ ઈનિંગમાં 334 રન બનાવીને આઉટ થઈ ગઈ હતી. સ્ટાર બેટ્સમેન જો રૂટ 138 રન બનાવીને અણનમ રહ્યો હતો. ઓસ્ટ્રેલિયાની ટીમે ફરી એકવાર જોરદાર શરૂઆત કરી છે. ટ્રેવિસ હેડ અને જેક વેધરલ્ડે ટીમને શાનદાર શરૂઆત અપાવી હતી. બંને વચ્ચે પ્રથમ વિકેટ માટે 77 રનની ભાગીદારી થઈ હતી. આ પછી ઓસ્ટ્રેલિયાના બેટ્સમેનોએ સતત ત્રણ અડધી સદીની ભાગીદારી કરી જે હવે રેકોર્ડ બુકમાં નોંધાઈ છે.
ઓસ્ટ્રેલિયા માટે, પ્રથમ ચાર વિકેટ વચ્ચે અડધી સદીની ભાગીદારી હતી, જે 2015 પછી એક ઇનિંગ્સમાં પ્રથમ ચાર વિકેટ વચ્ચે અડધી સદીની ભાગીદારીનો પ્રથમ કિસ્સો છે. અગાઉ ઓસ્ટ્રેલિયાએ 2015માં ન્યૂઝીલેન્ડ સામે આ સિદ્ધિ મેળવી હતી. એશિઝની વાત કરીએ તો 2006માં બ્રિસ્બેનમાં જ ઓસ્ટ્રેલિયા માટે 4-4 વિકેટ વચ્ચે પ્રથમ અડધી સદીની ભાગીદારી થઈ હતી. ટ્રેવિસ હેડે માર્નસ લાબુશેન સાથે બીજી વિકેટ માટે 76 બોલમાં 69 રન જોડ્યા હતા. આ પછી લાબુશેને સ્મિથ સાથે 68 બોલમાં 50 રનની ભાગીદારી કરી હતી. સ્ટીવ સ્મિથે કારમેન ગ્રીન સાથે ચોથી વિકેટ માટે 114 બોલમાં 95 રનની ભાગીદારી કરી હતી.
બ્રિસ્બેનમાં રમાઈ રહેલી પિંક બોલ ટેસ્ટના બીજા દિવસે ડિનર બ્રેક બાદ સમાચાર લખાય છે ત્યાં સુધી ઓસ્ટ્રેલિયાએ 5 વિકેટ ગુમાવી દીધી છે. ઓસ્ટ્રેલિયાએ પ્રથમ દાવમાં ઈંગ્લેન્ડના સ્કોર (334)ને પછાડી લીડ મેળવી લીધી છે. ઓસ્ટ્રેલિયા તરફથી જેક વેધરલ્ડે સૌથી વધુ 72 રન બનાવ્યા હતા. તેણે પોતાની ઇનિંગમાં 12 ચોગ્ગા અને એક છગ્ગો ફટકાર્યો હતો. મારંશ લાબુશેને 78 બોલમાં 65 રનનું યોગદાન આપ્યું હતું. ઓપનર ટ્રેવિસ હેડ 43 બોલમાં 33 રન બનાવીને આઉટ થયો હતો. કેમરૂન ગ્રીન 57 બોલમાં 45 રન બનાવીને કાર્સનો શિકાર બન્યો હતો. ઈંગ્લેન્ડ માટે બ્રેડન કારસે ત્રણ, જોફ્રા આર્ચર અને બેન સ્ટોક્સે 1-1 વિકેટ લીધી છે.
