આદિત્ય ધરની ધમાકેદાર ફિલ્મ ‘ધુરંધર 2’એ આખી દુનિયામાં ધૂમ મચાવી દીધી છે. લોકો આ ફિલ્મના દિવાના છે. રણવીર સિંહ સ્ટારર ‘ધુરંધર 2’ 19 માર્ચ, 2026ના રોજ થિયેટરોમાં આવી હતી. ‘ધુરંધર 2’ પણ બોક્સ ઓફિસ પર સારી કમાણી કરી રહી છે. એક તરફ, ‘ધુરંધર 2’ ઘણી બ્લોકબસ્ટર ફિલ્મોને માત આપી રહી છે, તો બીજી તરફ, આ સ્પાય થ્રિલરને ‘પ્રોપેગન્ડા’ તરીકે ઓળખવામાં આવે છે. જો કે આ બધા હોબાળા વચ્ચે આઇ.એફ.એ IIFA રેડ કાર્પેટનો એક જૂનો વીડિયો ફરી સામે આવ્યો છે, જેમાં બોલિવૂડ સ્ટાર્સ આર માધવન અને અર્જુન રામપાલ પણ પાકિસ્તાનમાં IIFA હોસ્ટ કરવાની વાત કરતા જોવા મળે છે. આ વીડિયો ઈન્ટરનેટ પર ઝડપથી વાયરલ થઈ રહ્યો છે.
અર્જુન રામપાલ અને માધવનના જવાબે ધ્યાન ખેંચ્યું
વાસ્તવમાં, ‘ધુરંધર 2’ની ધૂમધામ વચ્ચે IIFAના રેડ કાર્પેટનો એક જૂનો વીડિયો ફરી સામે આવ્યો છે. આ વીડિયોમાં એક રિપોર્ટરે અનેક સેલિબ્રિટીઓને પૂછ્યું હતું કે, શું તમે ક્યારેય પાકિસ્તાનમાં IIFAનું આયોજન કરવાનું વિચાર્યું છે? અનિલ કપૂરથી લઈને અનુપમ ખેર સુધી, ઘણા લોકોએ આ પ્રશ્ન પર પોતાનો અભિપ્રાય આપ્યો, પરંતુ બધાનું ધ્યાન ‘ધુરંધર 2’ આર માધવન અને અર્જુન રામપાલના નિવેદન પર હતું. ‘ધુરંધર 2’માં માધવને ઈન્ટેલિજન્સ બ્યુરો (IB)ના ડિરેક્ટર ‘અજય સાન્યાલ’ની ભૂમિકા ભજવી હતી અને રામપાલે ‘મેજર ઈકબાલ’ની ભૂમિકા ભજવી હતી, જે એક નિર્દય ISI એજન્ટ છે.
