ન્યૂઝીલેન્ડ vs વેસ્ટ ઈન્ડિઝ વચ્ચે ત્રીજી ટેસ્ટ માઉન્ટ મૌંગાનુઈના બે ઓવલ મેદાન પર રમાઈ રહી છે. આ મેચમાં, ન્યુઝીલેન્ડની ઓપનિંગ જોડી – ડેવોન કોનવે અને ટોમ લાથમ -એ એવી સિદ્ધિ મેળવી હતી જે ટેસ્ટ ક્રિકેટના 148 વર્ષના ઈતિહાસમાં પહેલા કોઈ કરી શક્યું ન હતું. ન્યૂઝીલેન્ડે વેસ્ટ ઈન્ડિઝને ત્રીજી ટેસ્ટ જીતવા માટે 462 રનનો ટાર્ગેટ આપ્યો છે. ચોથા દિવસના અંતે વેસ્ટ ઈન્ડિઝે કોઈ પણ વિકેટ ગુમાવ્યા વિના 43 રન બનાવી લીધા હતા. આ વિકેટ જે રીતે રમી રહી છે તે જોતા આશા રાખી શકાય છે કે વેસ્ટ ઈન્ડિઝ અંતિમ દિવસે 419 રનનો પીછો કરશે. તમને જણાવી દઈએ કે, ત્રણ મેચની આ શ્રેણીમાં ન્યૂઝીલેન્ડ 1-0થી આગળ છે. પ્રથમ ટેસ્ટ ડ્રો રહી હતી.
ટોમ લાથમ અને ડેવોન કોનવેની જોડીએ વેસ્ટ ઈન્ડિઝ સામે પ્રથમ દાવમાં સદી ફટકારી હતી અને અનુક્રમે 137 અને 227 રનની શાનદાર ઈનિંગ્સ રમી હતી. તેમના બળ પર જ ન્યુઝીલેન્ડ 575ના સ્કોર સુધી પહોંચવામાં સફળ રહ્યું હતું.
વેસ્ટ ઈન્ડિઝને 420 રનમાં સમેટી લીધા બાદ જ્યારે ન્યુઝીલેન્ડ બીજા દાવમાં બેટિંગ કરવા આવ્યું ત્યારે ટોમ લાથમ અને ડેવોન કોનવેએ સદી ફટકારી હતી. આ વખતે લાથમે 101 અને કોનવેએ 100 રન બનાવ્યા હતા.
અહીં ક્લિક કરીને IND vs PAK ફાઇનલ લાઇવ સ્કોર જુઓ
