ક્રિકેટ દક્ષિણ આફ્રિકા સામે ગુવાહાટી ટેસ્ટમાં ભારતીય ટીમને 408 રનથી કારમી હાર મળી હતી. આ સાથે ટીમ સતત બીજા વર્ષે ઘરઆંગણે ટેસ્ટ શ્રેણી હારી છે. આ હાર વિશે વાત કરતા મુખ્ય કોચ ગૌતમ ગંભીરે પ્રેસ કોન્ફરન્સમાં કહ્યું કે આ હારનો દોષ દરેક પર છે અને તેની શરૂઆત મારાથી થાય છે.
દક્ષિણ આફ્રિકા સામેની હાર અંગે સ્પષ્ટતા આપતા ગૌતમ ગંભીરે વધુમાં કહ્યું કે, “મેં પહેલા કહ્યું હતું કે હું સંક્રમણ શબ્દને નફરત કરું છું અને હું અહીં બહાનું બનાવવા નથી આવ્યો, પરંતુ વાસ્તવમાં આ સંક્રમણની વાત છે. યુવા ખેલાડીઓ કામ પર શીખી રહ્યા છે. તમારે તેમને સમય આપવો પડશે.”
ભવિષ્યનો નિર્ણય BCCIના હાથમાં છે
ગંભીરે આગળ કહ્યું, “મારું ભવિષ્ય બીસીસીઆઈએ નક્કી કરવાનું છે. લોકો આ ભૂલી જાય છે. હું એ જ માણસ છું જેણે ઈંગ્લેન્ડમાં પરિણામ મેળવ્યું હતું. ઘણા લોકો ન્યુઝીલેન્ડ વિશે વાત કરતા રહે છે. હું એ જ માણસ છું જેના નેતૃત્વમાં અમે ચેમ્પિયન્સ ટ્રોફી અને એશિયા કપ જીત્યા હતા. આ એક એવી ટીમ છે જેની પાસે ઓછો અનુભવ છે અને પરિસ્થિતિ બદલવા માટે દરેક શક્ય પ્રયાસ કરી રહી છે.”
ખેલાડીઓના માનસિક તણાવ વિશે વાત કરતાં ગંભીરે કહ્યું, “તે કાળજીથી આવે છે. તમે ડ્રેસિંગ રૂમ અને ટીમનું કેટલું ધ્યાન રાખો છો. જવાબદારી અને રમતની પરિસ્થિતિઓ શીખવી શકાતી નથી. હા, તમે કૌશલ્ય વિશે વાત કરી શકો છો, કુશળતા પર કામ કરી શકો છો, માનસિક પાસાઓ પર ચર્ચા કરી શકો છો. પરંતુ જ્યારે તમે અંદર જાઓ છો, ત્યારે તમારે ટીમને તમારાથી આગળ રાખવું જોઈએ.”
