એમ્સ્ટર્ડમ એમ્સ્ટર્ડમ: 19 ઓગસ્ટના રોજ FIH હોકી વર્લ્ડ કપ 2026માં ભારત પૂલડી મેચમાં પાકિસ્તાન સામે ટકરાશે. આ હાઈ વોલ્ટેજ મેચ એમ્સ્ટેલવીનના વેજેનર હોકી સ્ટેડિયમમાં સાંજે 6:30 વાગ્યાથી રમાશે. ચાર ટીમના આ પૂલમાં વેલ્સ અને ઈંગ્લેન્ડનો પણ સમાવેશ થાય છે. વિશ્વ રેન્કિંગમાં 8મા ક્રમે રહેલા ભારતને તેના પાડોશી અને ચાર વખત વર્લ્ડ કપ વિજેતા પાકિસ્તાનની સાથે પૂલ ડીમાં મૂકવામાં આવ્યું છે. આ પૂલમાંથી ટોચની ટીમ સીધી ક્વાર્ટર-ફાઇનલ માટે ક્વોલિફાય થશે, જ્યારે આગામી બે સ્થાન મેળવનારી ટીમો ક્રોસ-ઓવર મેચોમાં ભાગ લેશે.
એમ્સ્ટરડેમના વેજેનર સ્ટેડિયમમાં મંગળવારે એક રોમાંચક ડ્રો સમારોહ યોજાયો હતો. આ પછી, ઇન્ટરનેશનલ હોકી ફેડરેશન (FIH) એ વર્લ્ડ કપ મેચોનું સંપૂર્ણ શેડ્યૂલ જાહેર કર્યું છે. 1975ના વિશ્વ કપ વિજેતા ભારત 15 ઓગસ્ટના રોજ વેલ્સ સામે 16-ટીમના પુરૂષોની ટૂર્નામેન્ટમાં તેમના અભિયાનની શરૂઆત કરશે. આ FIH હોકી વર્લ્ડ કપનો પ્રથમ દિવસ હશે અને મેચ ભારતીય સમય અનુસાર સાંજે 4.30 વાગ્યે શરૂ થશે. આ પછી, 17 ઓગસ્ટે ભારતનો સામનો એમ્સ્ટેલવીનના વેગનર હોકી સ્ટેડિયમમાં ચોથા ક્રમની ટીમ ઈંગ્લેન્ડ સામે થશે. પૂલ ડીની અન્ય એક મહત્વપૂર્ણ મેચમાં ઈંગ્લેન્ડનો મુકાબલો 15 ઓગસ્ટે પાકિસ્તાન સાથે થશે. પ્રથમ રાઉન્ડની મેચો 20 ઓગસ્ટ સુધી ચાલશે અને નોક-આઉટ તબક્કાની મેચો 21 ઓગસ્ટથી રમાશે.
દરમિયાન, ભારતીય મહિલા હોકી ટીમ 16 ઓગસ્ટે એમ્સ્ટરડેમના વેગનર સ્ટેડિયમમાં એશિયન ચેમ્પિયન ચીન સામે તેના અભિયાનની શરૂઆત કરશે, જે વિશ્વ રેન્કિંગમાં ચોથા સ્થાને છે. આ પછી તેનો મુકાબલો 18 ઓગસ્ટે દક્ષિણ આફ્રિકા સામે થશે. પ્રથમ રાઉન્ડની તેમની છેલ્લી મેચ 20 ઓગસ્ટે વિશ્વ રેન્કિંગમાં સાતમા ક્રમે રહેલી ઈંગ્લેન્ડ સામે થશે. 15 ઓગસ્ટે ઓસ્ટ્રેલિયા અને જાપાનની મહિલા ટીમો વચ્ચેની શરૂઆતની મેચ સાથે ટુર્નામેન્ટની શરૂઆત થશે. આ સ્પર્ધા 30મી ઓગસ્ટ સુધી ચાલશે.
બેલ્જિયમ અને નેધરલેન્ડ દ્વારા પ્રથમ વખત મેન્સ અને વિમેન્સ હોકી વર્લ્ડ કપનું સંયુક્ત રીતે આયોજન કરવામાં આવી રહ્યું છે. કુલ મળીને, સ્પર્ધાના પ્રથમ દિવસે બે અલગ-અલગ સ્થળોએ છ મેચો રમાશે – એમ્સ્ટેલવીનમાં વેગનર સ્ટેડિયમ અને બેલ્જિયમના વાવરમાં બેલ્ફિયસ હોકી એરેના. જેમાંથી ત્રણ મેચ પુરૂષો અને ત્રણ મહિલાઓની હશે.
ભારત ઉપરાંત નેધરલેન્ડ, બેલ્જિયમ, જર્મની, ઓસ્ટ્રેલિયા, આયર્લેન્ડ, આર્જેન્ટિના, સ્પેન,
ન્યુઝીલેન્ડજાપાન અને દક્ષિણ આફ્રિકાએ સ્પર્ધાના પુરૂષ અને મહિલા વિભાગ બંને માટે ક્વોલિફાય કર્યું છે. ભારતીય પુરૂષ ટીમે એશિયા કપ જીતીને ટુર્નામેન્ટ માટે ક્વોલિફાય કર્યું હતું, જ્યારે મહિલા ટીમે હૈદરાબાદ, તેલંગાણામાં આયોજિત ક્વોલિફાઇંગ ટુર્નામેન્ટમાં બીજું સ્થાન મેળવીને ક્વોલિફાય કર્યું હતું.
