અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારત પર ટેરિફ રેટ વધારવાની ચેતવણી આપી છે. વડાપ્રધાન નરેન્દ્ર મોદીએ રશિયન તેલની ખરીદી રોકવાની ખાતરી આપી હોવાના દાવાને પણ પુનરોચ્ચાર કર્યો. જોકે, ભારતીય વિદેશ મંત્રાલયે કહ્યું છે કે રાષ્ટ્રપતિ ટ્રમ્પ અને પીએમ મોદી વચ્ચેની વાતચીત અંગે કોઈ માહિતી નથી.
પત્રકારો સાથે વાત કરતા ટ્રમ્પે કહ્યું, ‘તેમણે (પીએમ મોદી) મને કહ્યું છે કે રશિયનો તેલનું કામ નહીં કરે. પરંતુ જો તેઓ કરશે, તો તેઓ ખૂબ જ ભારે ટેરિફ ચૂકવશે. બુધવારે જ ટ્રમ્પે ઓવલ ઓફિસથી દાવો કર્યો હતો કે પીએમ મોદીએ તેમને આશ્વાસન આપ્યું છે કે તેઓ રશિયા પાસેથી તેલ ખરીદવાનું બંધ કરશે.
બુધવારે ટ્રમ્પે કહ્યું હતું કે ભારત રશિયા પાસેથી ક્રૂડ ઓઈલ ખરીદી રહ્યું છે તેનાથી અમેરિકા ‘ખુશ નથી’. તેમણે દલીલ કરી હતી કે આવી ખરીદીઓ રશિયન પ્રમુખ વ્લાદિમીર પુતિનને યુદ્ધ માટે નાણાં પૂરાં પાડવામાં મદદ કરે છે.
એક પ્રશ્નના જવાબમાં અમેરિકી રાષ્ટ્રપતિએ કહ્યું, ‘તે (મોદી) મારા મિત્ર છે, અમારા ઘણા સારા સંબંધો છે… અમે રશિયા પાસેથી તેલ ખરીદવાથી ખુશ નહોતા કારણ કે તેનાથી રશિયાને આ મૂર્ખ યુદ્ધ ચાલુ રાખવાની તક મળી. આ યુદ્ધમાં તેઓએ લાખો લોકો ગુમાવ્યા. તેમણે કહ્યું, ‘હું ખુશ નહોતો કે ભારત તેલ ખરીદી રહ્યું છે અને (મોદીએ) આજે મને ખાતરી આપી કે તેઓ રશિયા પાસેથી તેલ નહીં ખરીદે. આ એક મોટું પગલું છે. હવે આપણે ચીનને પણ એવું જ કરાવવાનું રહેશે.
ટ્રમ્પે કહ્યું, ‘તેમણે (મોદી) મને ખાતરી આપી છે કે રશિયા પાસેથી તેલ ખરીદવામાં આવશે નહીં. મને ખબર નથી, કદાચ આ મોટા સમાચાર છે. શું હું આ કહી શકું?… તે રશિયા પાસેથી તેલ નથી ખરીદતો. તેની શરૂઆત થઈ ગઈ છે. તે તરત જ તે કરી શકશે નહીં… પરંતુ પ્રક્રિયા ટૂંક સમયમાં પૂર્ણ થશે.
