નવી દિલ્હીનવી દિલ્હીઃ ઓલ ઈન્ડિયા બુલિયન એસોસિએશનના જણાવ્યા અનુસાર શુક્રવારે રાષ્ટ્રીય રાજધાની ચાંદીના ભાવ રૂ. 1,800 વધી રૂ. 2.40 લાખ પ્રતિ કિલો, જ્યારે સોનાના ભાવ રૂ. 650 ઘટી રૂ. 1.52 લાખ પ્રતિ 10 ગ્રામ થયા હતા.
સફેદ ધાતુના ભાવ ગુરુવારે રૂ. 2,38,700 પ્રતિ કિલોના બંધ ભાવથી રૂ. 1,800 અથવા લગભગ 1 ટકા વધીને રૂ. 2,40,500 પ્રતિ કિલો (તમામ કર સહિત) થયા હતા.
જોકે, 99.9 ટકા શુદ્ધતાના સોનાના ભાવમાં સતત ત્રીજા દિવસે ઘટાડો ચાલુ રહ્યો હતો; તે રૂ. 650 અથવા 0.42 ટકા ઘટીને રૂ. 1,52,650 પ્રતિ 10 ગ્રામ (તમામ કર સહિત) થયો હતો. છેલ્લા સત્રમાં આ પીળી ધાતુની કિંમત 1,53,300 રૂપિયા પ્રતિ 10 ગ્રામ પર બંધ થઈ હતી.
વિશ્લેષકોનું કહેવું છે કે મેક્રો ઇકોનોમિક અનિશ્ચિતતા અને યુએસ ડોલરની તરફેણમાં વૈશ્વિક સંકેતોને કારણે સોનાના ભાવ દબાણ હેઠળ છે.
HDFC સિક્યોરિટીઝના વરિષ્ઠ સંશોધન વિશ્લેષક દિલીપ પરમારે જણાવ્યું હતું કે, “કિંમતી ધાતુઓનું બજાર યુએસ-ઇઝરાયેલ-ઇરાન વચ્ચે ચાલી રહેલા સંઘર્ષથી સખત પડકારોનો સામનો કરી રહ્યું છે, જેના કારણે મૂડી ડોલર અને ક્રૂડ ઓઇલ તરફ વળી છે, જેને સલામત રોકાણ ગણવામાં આવે છે.”
આંતરરાષ્ટ્રીય બજારમાં હાજર ચાંદીના ભાવ લગભગ 1 ટકા ઘટીને 72.18 યુએસ ડોલર પ્રતિ ઔંસ પર ટ્રેડ થયા, જ્યારે સોનું 0.27 ટકા વધીને 4,663.54 યુએસ ડોલર પ્રતિ ઔંસ પર ટ્રેડ થયું.
