ભારત વિ પાકિસ્તાન ફાઇનલ U19 AISA કપ હાઇલાઇટ્સ- પાકિસ્તાને ફાઇનલમાં ભારતને 191 રનથી હરાવીને મેન્સ અંડર-19 એશિયા કપનો ખિતાબ જીત્યો હતો. પાકિસ્તાને બીજી વખત ટ્રોફી જીતી છે. આ સાથે જ ભારતીય ટીમ સતત બીજી વખત ચેમ્પિયન બનવાનું ચૂકી ગઈ છે. ગત વખતે બાંગ્લાદેશે ફાઇનલમાં જીત મેળવી હતી. અંડર-19 એશિયા કપની ફાઇનલમાં પાકિસ્તાને પ્રથમ બેટિંગ કરતા ભારત સામે આઠ વિકેટે 347 રનનો મોટો સ્કોર બનાવ્યો હતો. જવાબમાં ભારતીય ટીમ 26.2 ઓવરમાં તમામ વિકેટ ગુમાવીને 156 રન જ બનાવી શકી હતી.
348 રનના લક્ષ્યનો પીછો કરવા આવેલી ભારતીય ટીમની શરૂઆત ખરાબ રહી હતી. ટીમે 50 રનની અંદર ત્રણ વિકેટ ગુમાવી દીધી હતી. આયુષ મ્હાત્રે બે રન, એરોન જ્યોર્જ 16 રન અને વૈભવ સૂર્યવંશી 10 બોલમાં 26 રન બનાવીને આઉટ થયા હતા. વિહાન મલ્હોત્રા 13 બોલમાં માત્ર સાત રન બનાવી શક્યો હતો. આ પછી, ભારતીય બેટ્સમેનો પાકિસ્તાની બોલિંગ આક્રમણ સામે લાંબો સમય ટકી શક્યા ન હતા અને ‘તુ ચલ મેં આયા’ની તર્જ પર વિકેટો ગુમાવતા રહ્યા હતા.
જોકે, ભારતની છેલ્લી જોડીએ ચોગ્ગા અને છગ્ગા ફટકારીને સ્કોરને આગળ ધપાવ્યો હતો. આ દરમિયાન દીપેશ દેવેન્દ્રને છ ચોગ્ગા અને બે છગ્ગા સાથે 36 રનની ઇનિંગ રમી હતી. તેને અલી રઝાએ આઉટ કર્યો હતો. ભારતીય ટીમ 26.2 ઓવરમાં માત્ર 156 રન જ બનાવી શકી અને ટાઇટલ મેચ 191 રનથી હારી ગઈ. કિશન સિંહ ત્રણ રન બનાવીને અણનમ રહ્યો હતો. પાકિસ્તાન તરફથી અલી રઝાએ ચાર વિકેટ ઝડપી હતી. મોહમ્મદ સૈયમ, હુઝૈફા એહસાન અને અબ્દુલ સુભાનને બે-બે વિકેટ મળી હતી.
રવિવારે રમાયેલી ફાઇનલમાં પ્રથમ બેટિંગ કરતા પાકિસ્તાને સમીર મિન્હાસની સદીની ઇનિંગની મદદથી 50 ઓવરમાં 8 વિકેટ ગુમાવીને 347 રન બનાવ્યા હતા. પાકિસ્તાન તરફથી સમીરે સૌથી વધુ 172 રન બનાવ્યા હતા. ઓપનર સમીર મિન્હાસે ભારત સામે ટાઈટલ મેચમાં સદી ફટકારી હતી. આ સદી તેણે 71 બોલમાં ફટકારી હતી. આ અંડર-19 એશિયા કપમાં સમીર મિન્હાસની આ બીજી સદી છે. ભારત તરફથી દિપેશે ત્રણ, હેનીલ અને પટેલે 2-2 વિકેટ ઝડપી હતી.
ભારત vs પાકિસ્તાન ફાઇનલ, U19 AISA કપ હાઇલાઇટ્સ-
INDU19- 156/10 (26)
