મુંબઈઃ અમેરિકા-ઈરાન શાંતિ વાટાઘાટોના અહેવાલો વચ્ચે વૈશ્વિક બજારના સકારાત્મક સંકેતોને કારણે ભારતીય શેરબજાર બુધવારે સતત બીજા કારોબારી દિવસે લીલા રંગમાં ખુલ્યું હતું. દરમિયાન, જ્યારે 30 શેરો ધરાવતો BSE સેન્સેક્સ તેના અગાઉના બંધ 74,068.45 થી 583.56 પોઈન્ટ (0.79 ટકા) વધીને 74,652.01 પર ખૂલ્યો હતો, જ્યારે NSE નિફ્ટી 152 પોઈન્ટ (0.66 ટકા) વધીને 23,064.40 પર ખુલ્યો હતો.
જો કે, સમાચાર લખાય છે ત્યાં સુધી (સવારે 9.27 આસપાસ) સેન્સેક્સ 886.30 પોઈન્ટ અથવા 1.20 ટકાના વધારા સાથે 74,954.75 પર ટ્રેડ કરી રહ્યો હતો, જ્યારે નિફ્ટી 50 304.35 (1.33 ટકા)ના વધારા સાથે 23,216.75 પર ટ્રેડ કરી રહ્યો હતો.
વ્યાપક બજાર બેન્ચમાર્ક કરતાં વધુ પ્રદર્શન કરતું દેખાયું. જ્યારે નિફ્ટી મિડકેપમાં 2.04 ટકાનો વધારો નોંધાયો હતો, જ્યારે નિફ્ટી સ્મોલકેપમાં 2.29 ટકાનો વધારો નોંધાયો હતો. સેક્ટર મુજબ, નિફ્ટી રિયલ્ટીએ સૌથી વધુ 3.55 ટકાનો ઉછાળો નોંધાવ્યો હતો. નિફ્ટી મેટલમાં 2.51 ટકા, નિફ્ટી મીડિયામાં 2.29 ટકા, નિફ્ટી ઑટોમાં 2.20 ટકા અને નિફ્ટી પીએસયુ બેન્કમાં 2 ટકાનો વધારો જોવા મળ્યો હતો. આ સિવાય નિફ્ટી એફએમસીજી (1.26 ટકા ઉપર) અને નિફ્ટી ફાર્મા (1.23 ટકા)માં પણ તેજી સાથે કારોબાર જોવા મળ્યો હતો.
નિફ્ટી50માં શ્રીરામ ફાઇનાન્સ (4.36 ટકા), ટ્રેન્ટ (3.64 ટકા), અદાણી એન્ટરપ્રાઇઝ (3.17 ટકા), ગ્રાસિમ (3.13 ટકા), અદાણી પોર્ટ્સ (2.92 ટકા) અને અલ્ટ્રાટેક સિમેન્ટ (2.80 ટકા) ટોચના હતા.
બુધવારે રૂપિયો અમેરિકી ડૉલરના મુકાબલે 8 પૈસા ઘટીને 93.95 પર ખૂલ્યો હતો, જ્યારે મંગળવારે તે 93.87 રૂપિયા પ્રતિ ડૉલર પર બંધ થયો હતો. ઉલ્લેખનીય છે કે છેલ્લા ત્રણથી ચાર સપ્તાહમાં અમેરિકા-ઈરાન યુદ્ધના કારણે ઉર્જાના ભાવમાં ભારે વધઘટ જોવા મળી હતી અને વૃદ્ધિ અને ફુગાવો વધવાની ચિંતા વધી હતી.
